Opolifi moshitukulwa shaHangwena otai konakona oshibofa shoshiponga shotuwa omo vati ovanhu vavali va monena mo oshiponga pefimbo vali va humbata omahooli aNgungula. 

Oonakuninga oihakanwa ova tambulilwa moshipangelo shaShakati tava mono epango lopaunamiti ashike ove li monghalo i li xwepo.

Oshiningwanima osha ningwa Etivali efimbo loufiku mondjila pokati kEndola nOshakati.

Omukulumhu wopolifi koshikondo shokukonakona oimbuluma mOhangwena, omupedu Commissioner Zachariah Amakali okwa hokolola ta ti otuwa oyo ya li ya humbata omukainhu nomulumenhu ovo va mona oiponga oya pya po filufilu. Okwa hokolola ta ti otuwa yotuukala oyo ya mona oshiponga eye li puma mumwe notuwa oyo kwa didilikiwa ashike kutya oToyota osho sha etifa opo i teme omundilo noku pya po.

Ovanhu va hangika motuwa ovanhu nuka mo diva ashike ova mona oiponga moipala nokeenyala.

Omufekelwa womulumenhu ou kwa li tashingi otuwa yoToyota okwa faduka po. Amakali okwa ti fiyo opapa ka pena ouyelele kombinga yomufekelwa, neenomola dotuwa yaye ina di kufwa ko molwashi oshiponga osha ningwa kwa laula.

Okwa kumaida oshiwana opo shi xulife po okufaduka po ngeenge sha eta oiponga molwashi omunhu ota dulu okueta natango oshiponga mopate pefimbo tashi shingilile.

fhamalwa@nepc.com.na