Lucas Tsamseb a shivika nawa Irivari okwa ninga eemwedi heyali modolongo paife konima eshi kwa li a kwatwa po omudo wa dja ko kOshivelo muDesemba. 

Irivari ota tengenekwa e li pomido 20 no kwa shivika nawa okupitila komalungula eshi a kala e na ouvidio tau yolifa. 

OmukulunhuwopolifimoshitukulwashaShikoto Komufala Teopoline Kalompo-Nashikaku okwa hokolola ta ti Irivari okwa kwatwa po konima a li e liteyela melimba lopolifi omo hamu tulwa oinima ei hai kufwa ovanhu ngeenge va hangika noinima oyo iinima inai pitikwa okupita peinda lopolifi pOshivelo. 

Vati Irivari okwa longifa oshitenda nokuteya omuvelo welimba, nokonima okwa kufa mo oipakete yomalodu malula itatu peinda lopolifi pOshivelo. 

Irivari oku li mokakuma kOmuthiya nota holoka momhangu loshikando oshitine momafiku 29 omwedi ou. 

Irivari okwa li yoo a kwatwa po momudo 2021 mekwatafano loshibofa shekwatonghonga omo kwa li ta fekelwa kutya okwa kwata omukainhu keenghono. 

Okwa li a pewa e lifutile mo modolongo noshimaliwa N$2 000 konima eshi oshiwana she mu yambidida noshimaliwa shokulifutila mo modolongo. 

Ilivari ou okwa li yoo vali a nyika ounghundi omudo wa dja ko omo kwa li a tambulilwa moshipangelo omudo oule wemweedi nhee. 

fhamalwa@nepc.com.na