Easy access at the tip of your fingers, subscribe to our daily ePaper version of our New Era Newspaper.
Home / Iyambo Ana Lituramo Asi Vaporosi Vagwane Mambo
Iyambo Ana Lituramo Asi Vaporosi Vagwane Mambo
2008-07-10Staff Report 2 Mo Venduka Epangero dogoro ngesi kwaruganesa nomi liyuna dina siki ko N$24, omu vatunga no kamba dovaporosi mwaza sirongo yipo asi vaporosi vararemo. Mararo govaporosi kuna kara simwe sosi digu. Mambo aga vatunga kuna kara momukaro gomudona, eyi kuna kuninkisanye uministeli wekungo nepopera varuganeko yuma. Yimo katente ministera gouministeli ou dokotora Nickey Iyambo. Iyambo kakazegwilire paveta kamba zovaporosi pomukunda gwa Tondoro mo Kavango, momandaha aga gana pu. Evango eli lya Tondoro limwe lyaga gatano gonokamba vatunga govaporosi momukunda gwina. Evango eli lya Tondoro mukoso gwalyo kwasika kono miliyuna N$ 3.8, Katounyana mo Caprivi kwa pura nomiliyuna N$ 7, Bravo mo Khomas kwapura nomiliyuna N$ 6.3, Okukwa mo Ohangwena nomiliyuna N$ 2.2 ano sasiyona nye zovaporosi mo Ondangwa kwa pura nomiliyuna N$4.8. Mavango nagenye aga ngapa kara vaporosi wokusika ko 28, yimo ana kutanta ministera. Mokukwama mwendi age Iyambo, katente asi mambo nagenye vana kuruganesa ngesi kwaga tungire komeho zemanguruko, ava vakereko vepangero lya South - Africa. Mavango ogo kwaga tungire ga kwateremo, apa nye tuna ya manguruko kapi twazungurura mavango ogo asi tutungeko komape.Nayinye eyi vatungisire ya hepa kutunda ko tutureko yoyipe. Yimo ana kutanta ministera. Age kagwedereko asi epangero kuna lituramo melikwamo eli. Maudigu manzi vana kumona vaporosi. Nampili ngomu asi yimaliwa yetu yisesu epangero lina lituramo asi vaporosi vamwe vagwane mambo ntani nosasiyona oku navaruganena. Kagwedereko asi yiruganeso eyi kuna kulikida elituromo lyepangero mo kureta epopero kovantu womoNamibia, rambangako vantu womomawiza. Nampili ngomu asi nayinye kuna kuyindindira kepangero, epangero nalyo kuna kumona udigu morwa yininke nayinye kuna kupura yimaliwa. Nsene asi vaporosi vakara nomambo noyiruganeso yoyiwa hawe ngano tava sikisamo yirugana yawo. Ezegururo mavango aga kuna kumoneka nawa - nawa asi yirugana kuna kuyireta kovantu. Mukunda ogu gwa pira vaporosi mukunda ogo kuvhura gumone udigu konotjotji. Ministera yoyi kahundilire vatungi ponomukundo varu ruganene kumwe novaporosi. Maumbondo aga vana kurugana unene moNamibia kuna kara edipago, ekwatero kononkondo, evako yimuna, matjiliso, etezo mambo ntani yokulisinta yimaliwa. Kumwe nye novaporosi ose kuvhura kuturapo malikwamo ndi noprojeka dokukeverera ndi nokomitiye dovadinkantu. Iyambo simpe kapandwire vaporosi eyi vana kukeverera murudi nokuhamata vatjotji 2008-07-10Staff Report 2
