Omupresidente gwaDemocratic Republic of Congo (DRC) Joseph Kabila ota ti ota ka thiga po oshipundi shuupresidente konima yomahogololo ngoka taga ka kala ko momasiku 23 Desemba , ashike otashi ka vulika a ka kuthe ombinga momahogololo gopaupresidente monahiya. Kabila okwa ti ota ka kala e li oshitopolwa shopolitika konima yomahogololo oshoka oku na ondjila onde natango komeho.
Okwa ningi presidente gwoshilongo shika oshiyamba shaAfrica mo2001 sha landula sho he, Laurent Kabila, a li a dhipagwa.

Oshinakugwanithwa she shuupresidente osha li sha hulu mo2016, ashike okwa kala mombelewa molwa omahogololo ga kala noku undulilwa komeho.
Aayambidhidhi omilongo nomilongo oya dhipagwa momahololomadhiladhilo sho ya kala nokupula a ze ko koshipundi ko ku ningwe omahogololo. 

Okakomisi komahogololooka lwahugunina oka li ka tula po 23 Desemba onga esiku lyomahogololo, taka ti kasha li tashi vulika okuunganekwa omolwa omaudhigu mokushangitha aahogololi moshilongo shika shio na iikwa niipangitho ya nkundipala osho wo omakuyunguto unene tuu moshitopolwa shokuuzilo.

Shivalelwe DRC a kale netaambathano lyoonkondo dhopapolitika dhombili okuza tuu sho a mono emanguluko lye kuBelgium mo1960.
 “Otu na elalakano lyokuninga omagololo gaa na omagoli ngaashi tashi vulika,” Kabila ta lombwele Reuters ngaaka.
“Aataleli mboka taya dhiladhila kutya omahogololo itaga ka kala pauyuuki, inandi ya mona natango opo ya popye shoka ye wete sha faula,” ta gwedha ko ngaaka.

Kabila ota yambidhidha ngoka a li ominista ye yiikwameni yoshilongo, Emmanuel Ramazani Shadary momahogololo ngaka. 
Ongangahangano yiilongo yaEurope oya li ya tulile po Shadary oondjindikila omvula ya zi ko, omolwaomalundilo gen a sha nekaulonyanga lyuuthemba womuntu.

Omahogololo okwa tegelelwa ga ka tye pwaka unene pokati ke, omuleli gwompilameno Felix Tshisekedi osho wo omunangeshefa Martin Fayulu Madidi
BBC