Kapa ri oruveze monganda yomaraisiro wozonḓengura Oritjatatu nda zu ko onḓengura indji Tjipangandjara tji ya tjiukisirwe kotjiwaṋa. 

Oukarata wokuhita auhe wa manukire nau tjiti kutja omaraisiro inga wina Oritjatano nda kongorerere po ye raisiwe rukwao. Tjiii!!!! Ovengi mbeimwine ape kombunda youre yoiri oyo tji ye ere komayandero vatemenwe. Ya utire netando peÞunÿu pupeno nÿiro. Omupuee momuvanda tjima hepura omuÞi kovakuru novaṱi kutja meya mee kuvetekera omeva. 

Ngunda mondjuwo ovakazendu mave hepurasana nokuhuhumiṋasana. Pendje netando onḓengura ndji wina mai raisa ongaro novitjitwa vyomuhoko momuvanda wOtjiherero poo wOtjimbanderu, mu mu nombakero kutja aai tjitwa vi oruveze ndo omundu tjima horekwa momikova. Okuhorekwa ku katjotjiri tjinga mokuti tjaa ku i ovarumendu imba mbu mave tjindi omuṱi uriri. 

Nokutja ongominya i ṱa vi nu komurungu wokuṱa pe kara tjike tjimuna ovengi tji va zuvire omuni womuvanda tji ma raere ovazandona kutja ve kapahe otjiso. Na wina kutja tji ya zu nokuṱa i tandwa vi. 

Ngwa nyaṋukisire ovimbumba ya ri omuimbure womizumbi Big Ben eye wina ngwa mema okaimburiro kapeke konḓengura ndji kena Tjipangandjara. Ookokutja onḓengura ndji kaya hitire tjinene morupa rumwe rwoharive rwombazu posi maitara ovitovatova movitjitwa pekepeke vyombazu. Tjimuna etando, nu ngunda aya hara okuripetera petando ai tuka ai i korupa 

rwarwe rwombazu. Mu nao ovatarere otjaave isiwa nomangaṋingaṋi okuza porupa rumwe okuyenda ku rwarwe. 

E n a r a y o i n d i T j i p a n g a n d j a r a kamungandjo, nandarire kutja kovengi mape ya ave undjire kokutja mai tara mongondjero ya Tjipangandjara wa Kahendjira, eye ngwa tjiukirwa komiano vye, tjiva vyavyo mbi ri monḓengura ndji kutja ovengi ve rihongere ko tjinene ozonÿiÞona. Harukuru oyo mai handjauka mehi arihe tjinene mu mu turira ovahungire vOtjiherero. Pa kambura Tjiueza ozombura hamboumwe okumana onḓengura ndji. Otja ku ye ndji ri omautiro uriri nekondwa oritjavari rwayo ari ri mondando. Oyo yangurwa nombatero yotjimariva okuza kOrutu rwa Namibia rwOzonḓengura indwi oNamibia Film Commission.