2008-06-05Staff Report 2 MoVenduka Mandela Kapere kavamuhorowere pwahana marumbasano asi hamutjangantoni gombunga zovadinkantu vanakutumbura asi (National Youth Council) posiruwo sepongo lyawo momapau go 31/05/08. Navenye ava vahere kurumbasana kavahagekere, vagave mazwi gawo kwahamutjangantonigona go Pan Africa Youth Movement. Kapere nare vagusa kumu gazarera asi yige nagusa evango eli lya kara muporongwa kutunda tupu apa gatundiremo Juliet Kavetuna aka kare silyo sombongarero zanavenye kutunda mwa Kudumogona mvhura ezi. Ewizo lyendi mosipundi ezi kapi lina kara asi lyou Politika morwa age kapi gakara nepundi nkenye eli paupolitika. Julius Namoloh, Gomotsang Mokaleng Kuzeeko na Longinus Ipumbu dogoro siruwo tupu sokuhulilira ntani vana kutanta asi hawe ose tuna zuguminemo handuke, nye apa twavapuragerere pwanare awo kwatente asi kapi tava tegura konyima vahepa kura mbasana. Sitetu ntudi kwa Namoloh ogu kazugumininemo handuka komeho zezuva limwe tupu ngano epongo litameke oyo morwa kutunda apa twamupuragere age kwatanta asi kapi nahageke ngesi sikando sauvali ana kuyirugana eyi Ipumbu gwa CoD age kapatanene apa kava mutumbwire ano Kuzeeko mbunga ezi azi vape mbatero yizo kazimugusirepo. Kapere takwateremo dogoro epongo lyo General Youth Assembly ndi dogoro papa ngava tura veta zompe zovadinkantu moyirugana. Apa ngava tura veta ozo zompe. NYC tava zi zungururapo yipo vaturepo mbunga zovadinkantu kukwama veta. Azo ngazi reta uwa morwa NYC ngava gwana yimaliwa kutunda mombongarero zanavenye. Awo ngava kara nongendeso za vene kapisi ngwendi papa asi awo kugwana yimaliwa eyi kupitira mo ministeli zo vadinkantu. 2008-06-05Staff Report 2
