2006-08-18Staff Report 2 "I Kae Matundu-Tjiparuro OTJOMUISE Omboronganisiro yoviritje momuhoro wo minyaa mbaze yena ""1000/h"" mayepiti kotjiveta muhuka ngurova poruveze romizimbu motjihuro o Warehouse mene yo mbarauwerei onguru. Omwiimbure woviritje ovingi mo mboronganisiro yoviritje omurongo avihe kumwe mu muna oviritje vya Kakazona Kavari, o Katja. Omborongonanisiro indji yaungurwa iyonganda indji o Rising Voices Production (RVP) kehi ya Rirua (Koparukaze) Komeheke na Muhindua Kaura. Omambo woviritje ovingi imbi yatjangwa i Koparukaze wina ngwe yemema mo maimburiro na momizimbi. Varwe ovatjange nawina ovameme o Kakazona na Katja. Ovatone vomizumbi otjimbumba tji tjinyanda omizumbi peke peke nokuhina oku keyakeya nu tjikweya ko minyaa mbaze ovanyande va katjoruhonga. Omivero mavipaturuka mo hambondatu yongurova nu mo muvyu omizimbu avyutu. Oukarata maurandua pomuvero ko N$35-00. Ootjikando otjitenga oviritje okukaenda puna ovanyannde vovihumba avihe. Omboronganisiro indji maikosa o N$50 mo ka CD okuza ko RVP namozonganda zomizumbi mo Tjomuise oure womweze imbwi Tengarindi. Mu Tjikukutu otji maivaza kozombanda ku ma u kakosa o N$80-00. Wina oukasete ma u munikwa mu Tjikukutu motjihuro ohongora." 2006-08-18Staff Report 2
