Omupangulindjai Peter Shivute ongula yonghela okwa anena moilonga Rita Makarau onga umwe womovapanguli vopokafimbo komhangu ya shiya ko moshilongo, oSupreme Court. 

“Oivike ashike itatu ya pita po okudja eshi twa tambulila mo Lady Justice Hannelie Prinsloo naLady Justice Esi Schimming-Chase onga ovapanguli vopakafimbo moSupreme Court. Nena ohatu weda ko komuvalu ou, eshi hatu anene mo Lady Justice Rita Makarau,” Shivute ta ti.

Makarau okwa dile poshishiindalongo Zimbabwe, oko a kala ta longo onga omupanguli komhangu yopakotamhango, oConstitutional Court. Shivute ta ti onakudiwa yoilonga yaMakarau otai ulike kutya oku li omushivinawa moikwaveta nota ka eta elunduluko la pumbiwa momhangu. 

“Eshi kashi fi oshikando shotete oshikondo shouyuuki tashi kongo omushivinawa woikwaveta poilongo yopoushiinda opo e uye a kwafele. 

Monakudiwa otwa kala novashiiviveta tava di poilongo yopondje okuuya va longe moshikondo shouyuuki moshilongo shetu. Kandi na omalimbililo kutya pamwe oilonga yaLady Justice Makarau otai ka kala ya yo

oloka [kuyavakwao ovo va longa nale moshilongo],” Shivute ta ti.