Mapokola basweli kubatisisa taba yakupata kupepwa, kasamulaho akufumana limbututu zepeli zeshwile zekulubelwa kuba mambile kwamayumbelo a Kupferbern mwamuleneñi wa Windoko. Sibuabui wasipokola Raimbert Muronga naize kukulubelwa kuli mulwalo nosuluzwi falikweli zesupile kapa zelobapeli. Limbututu neli fumanwi Labulalu kanako ya 18h00. Nabulezi hape kuli yana ezize kezo hazibahali mi hakuna yatamilwe.

“Kuakalezwa kuli membala wasicaba, hane abata lico kwasibaka sa mayumbelo afumana nto yeñwi mwasipepa sesi nsu sene siputezwi mwalisila. Amano kwalula sipepa afumana kuli kilimbututu zepeli zabashimani zekulubelwa kuli nelina ni likweli zesupile kapa zelobañwi mwamba. Mapokola bakupa tuso ya sicaba kwamañusa aka kona kutusa kulemuha yana ezize kezo yeo,” Muronga nabulezi.