Omana tjimuna ooMbeurora nooSeuakouje kaye hee poo kaye hungirire ouzeu poo ondjuriro porwavyo oveyeruke vawo movavatje vavo ndji va muna poo ndji ve muna kourike wavo mouye. 

Posi okuhita ourekoto mu wo ye nomaheya omakoto oku yaruka koruveze rwondjuriro yomuhoko auhe mo huurire yOvaherero nOvambanderu nganduu kOtjiṱiro Otjindjandja tjavo. Umwe omunarupa nomutumbure wenyando ndi Ehi rOvaherero, Vezembouua Lizette Kavari, ma tja nao. Enyando ndi mari tara mOtjiṱiro hi nu ra paturukire 

kotjiwaṋa Oritjaine nda zu ko nari kongorere Oritjatano na Roviungura nokuzambo ari handjauka mehi tjimuna kOtjozondjii mu ra ri Osondaha nganduu kOkakarara na Tjinene ku ra ri Oritjatatu na Ritjaine rotjiveke hi. 

Oro ongutasaneno pokati kozondekurona omitanda zOvaherero, Ovambanderu nOvandoitji nḓa muna kutja Otjiṱiro Otjindjandja tjinenenene ohunga noruyaveze rwazo ozeni wina nu mu nao otji za sokukara norupa orunene nomakuruhungi wawo nga. Mokutja ku zo omakuruhngi nga kaye vaza nawa omOnamibia orini poo kEhi rOvandoitji. 

Zauanekua Kim Muatjetjeja Mbaukua, wa enda mezumo Raina morutjindo okuza kOtjauana mo 1993. Tjaave zuu Otjiṱiro Otjindjandja aave munu kutja ovimbaharere uriri posi ya nai okanyando nga ke mu hongo kutja nangwari tja tjitwa tjiri. Tukoo Kambatuku, omuhongwa wombura ondenga ponganda yomahongero wokombanda Ounama, ma tja ka ri okahonge nu wina okayorokise. “Mbe rihongo ovingi okusasaneka na imbi mbi mbe rihonga mosikore ohunga nomakuruhungi wetu wOvaherero nokutja twe ya vi tu rire eṱe pu tu ri ndino ndi. ” 

Mbakumua Hengari ongurova ndjo kOvandoitji mOhamburg tjere pamwe maze sokukondja kutja omakuruhngi nga aye ha zengi kutja ominyo vyaimba mba ṱa a ha rire kutja va ṱa omungandjo. Otjihuro hi Ohamburg omaamu rondere ovarwe vEhi rOvandoitji mbe ekutjita onyoneno mOsouth West Afrika, oruveze ndo Onamibia otja tjaari tjiukwa. 

Otja Kambaekua, Ben Kandukira, Lizette Kavari, Glenn-nora Tjipura, West Uarije, Gift Uzera, Jonas Anders na Jörg Pohl oovanyande vako.