Mubihi wa Mutende

WINDOKO – Kampani yapili mwanaha Namibia mwalitaba zakuambola kamafoni, yezibahala ka MTC, ingile ketelelo mwalitaba zakuisa mulilo wamagesi mwalibaka zamatakanyani. Sibuabui wa MTC Tim Ekandjo, naize kampani ibulukile masheleñi alikana bolule ba N$85 mwalilimo zepeli, mi hape ika ekeza masheleñi alikana bolule ba N$11, kuyaha mindandwe yamulilo wamagesi kuisa mwalibaka zamatakanyani mwahala naha. “Kakuba kalulo yapili purojeki ya 081 ibata lipesenti zebato ba ze 100 za netiweki, mi kutisa cwale selu sulile masheleñi alikana bolule ba 85 (N$85 million).

 Kuyaha mindandwe ya mulilo wa magesi ye 133, ili yekaisa mulilo wa magesi mwalibaka zamatakanyani. “Mwakalulo yabubeli ili yene kalile mwakweli ya Liatamani 2020, lukayaha mindandwe ya mulilo wa magesi ye 105, kuisa kwalibaka ze 105 zamatakanyani. Mindandwe yamulilo wa magesi haina kuisa feela mulilo wa magesi kwalibaka zeketilwe, kono ika isa kwasilao kaufela. Puluko ye kakuba zwelopili ya sifumu mwakuisa mulilo wa magesi, mi kuka tusa sicaba mwalitaba zasifumu,” nekubulezi Ekandjo.