Yana beleka mwasipokola sesi ketahani ili yanyaziwa kamulatu wakubitelela bashimani, kuba tepa, nikulekisa maswaniso amatapa famakepe, uka yema kuli aikalabele mwakwlei ya Muyana hala milatu yanyazwa kayona. Labubeli, Johann Wickus Maree walilimo zemashumi aketalizoho kasilisiñwi, nalemusizwe ki Muatuli swalelele mwa Khuta Yepahami Philanda Christiaan kuli khuta itukiselize kuteeleza muzeko wahae kukala la 7 kuisa la 11 Muyana.

Maree uka zekiswa kasamulaho muatuli Christie Liebenberg namufumani kuli waswanela kuzekiswa viki yefelile. Zeo neli kasamulaho khuta nefilwe piho kuzwelela kwa macaziba bababeli babaikemezi, babatatuba kana mutu watakana, neba fumani kuli Maree nanahana hande mwanako yeo na ezize kezo yeo, mi umwa munahano olukela kuli azekiswe hala litaba zakulubelwa kuli naezize. Kacwalo uka zekisezwa milatu ye 75, yengelezi ye 24 yakubitelela, ye 18 yakuswala banana kakapelezo, yelishumi yakusebelisa banana kutepa maswaniso amatapa, kufosana ni banana, ni kulumelela kapa kususueza banana babali mwatasa lilimo zelishumi kazesilezi kunwa bucwala.

Bazekisi bamubuso bakulubela kuli nasilafalize nikufosana ni bashimani balishumi kabaketalizoho, nikubitelela bashimani balishumi kababalalu. Bazekisi bamubuso hape bakulubela kuli nasebelisize bashimani balishumi kutepa maswaniso amatapa ao nalekisize kwamakepe akwamukunda. Maree yana belekile sapili kuba mupokola wamubatisisi wakwamukunda ni mushimbi wamaswaniso, ukulubelwa kuli nazamaisa likepe lene libizwa ‘Boy idols’. Lipatisiso zamapokola neli sinuzi kuli Maree nalekisa maswaniso abanana bane babaza litino ni litino zakutapa ni zona. Mwalipatisiso mapokola nebakonile kufumana liezwa kakulatelela litino zasikolo zene batinile kanako yene batepiwa. Kutisa cwale Maree ulatula likakalezo zeo.