Home / Muharukua mai konganda kEtjetje na kotoka kEtjo Muharukua mai konganda kEtjetje na kotoka kEtjo
Omutjange wOnganda Otjomuise-Omuyaruke ombanga¿e Angelika Kavetjindire Muharukua Oritjavari ndimariyende otjimatuka monÿera okuyeta konganda kEtjetje kouye wa Kunene okukavirikiza tjazumba akokotoka mOtjomuise mu muee kusuvisiwa pEtjo rOzombanga¿e Orovyungura ndimariyende. Eye makarara moyao Oritjavari indo ependukirrwa Oritjatatu ponganda apeuhara omayandjero wondjozikiro pEtjetje. Oritjaine atanauka akotoka kOtjomuise nu Oritjatano apekara nondjozikiro oseinina potjikunino tjOndjuwo yOzoveta.Otjiuru tjehi Hage Geingoba wayandjere ondjozikiro youmbanga¿e kongoneeya ya Kuenne Angelika Muharukua ngwatire Osondaha poye mOtjomuise momahaka wokutja wakuramene omutima. Omuyaruke Muharukua watu nozombura o 59. “Omberoo yoperesidenda maizeri okutjivisa kutja omutju¿ikwa operesidenda Hage G. Geingoba watie okupa omutjunikwa omuyaruke Angelika Kazetjindire Muharukua onÿengu yotjiwa¿a youmbanga¿e,” omutjangerepo worumba rozombuze momberoo indji, Albertus Aochamub waraisire nao Omandaha. “Munao omutjunikwa Muharukua otjimapewa ombakero yombangane okuura nu ozondiero azehe nÿapwire ombakero ndji mazekongorere. Ozondiero zokomurungu zombakero mazetjiukisiwa tjizayetwa kotjikoro,” Aocamub komurungu watjere nao. Ngunda aperi na Albertina Nakale Oritjavari watjangere kutja ovanene votukondwa twarwe ovakwao peke peke vazemburukire omukwao ingwi. Ongooneya ya Zambezi, Lawrence Sampofu watjere omuyaruke Muharukua wari arumbira outa wokutwara omekurisiro ko Kunene. Watjere Muharukua wari nongendo na Kunene, nu tjinene ousyina mburi ounene mburi morukondwa indwi oro wina ndahaverwa iyourumbu. “Tjiri onÿiro yomukwetu yetu twiihamisa. Wari omundu omuwa. Nandarire mozombongarero zetu otjozongooneya, aa kara nohambwaraka¿a onene nu wina wari nomaumune omengi. Aruhe aapanÿere poumune we tjimatuhungirire kepu. Tjiri twapandjara omuzapawe epatje mokati kozongooneya. Maturaisa oruhoze rwetu rokomutima ketundu re, kovaure va Kunene nako Namibia otjo tjiwa¿a,” Sampofu watjere. Ongooneya yo Koutokero wa Kavango, Sirka Ausiku waraisire Muharukua otjomunane omunene nomurwire waiho tjimakambura mutjo. Watjere Muharukua wayandja omasa kovakazendu ovengi kutja vekare nongamburiro muwo oveni. “Aahungama otjina ohunga, omuungure omukukutu, epnaga, nu ina yovengi vetu. Ami mberihonga ovingu kuye tjari omuhona wandje notjongooneya. Tjiri matusewa amatumuzengisa nomwinyo we ngausuve mohange.” Ongooneya ya Kavango kOutjiro, Samuel Mbambo, watjere orukondua rwe rwaihamisiwa oukoto iyomairo watjimanga waumwe wovanane voporotika mo Namibia omuna tjikamba. “Wari omundu ngwasuverere ovandu ve nungwevepunguhira oruveze nozomburo ze. Omwinyo we ngausuvisiwe mohange,” Mbambo watjere. Tjingetjo Ohika rOvakurundu ro Swapo rwayandjere ondjozikiro rwayo komuyaruke Muharukua narutja otjira tjo Swapo nehi arihe mouoaranga waro rwapandjara omurirwe wongutukiro wa Namibia wakatjotjiri. Omutjanegerepo wohika indi, Mukwaita Shanyengana, watjere omairo wa Muharukua ohakahana yeyere otjo tjihanduze kotjiwa¿a nu wina kehi indi. Watjere Muharukua wari omundu woporotika wotjihorera ngwaa hakurakura mozongunde ze otjomurwe omupyuke mokuungurira ovandu ve noutwe notja komasorere we.
Your experience on this site will be improved by allowing cookies.
