WINDOKO – Muleli wa Katengo Katolopo mwamuleñi wa Windoko ili muetapili wa sikwama Jerome Davis ufile mamela yakuli muleneñi utalimana ni matata amasheleñi atokwa bucaziba, kutwano ni tumelo ya lipolitiki kwakamaiso kuli atatululwe. “Kalulo yakuzamaya hande kwamasheleñi ni litukiso zalipiho sakata zamasheleñi kuli lufumane linzila zakufumana masheleñi amapurojekiti ashelashelana, kuswelwi kutalimwa mi luka zwelapili kutalima taba yeo mwasilimo sa 2018/2019,” nekubulezi Davis. Nabulezi zeo mwamanzwi ahae kuamana nikamo muleneñi nobelekezi mwasilimo sa 2017/2018, ili piho yapili kufiwa kwa mutende wa New Era. Piho ingelezi kota yabune ya 2017/2018 kutokena nimwasilimo sa 2018/2019. Nabulezi hape kuli kalulo ya kuzamaya kwamañusa niyona isali yetata mi ina nikutalimwa. “Kuitekezwi kuli likota zepeli zasilimo sa 2018/2019 likaba zetata kakuli mapurojekiti kaufela akatokwa masheleñi kuzwelela kwaliluko leliswanela, ili kalulo yeyemisize mapurojekiti kaufela,” nabulezi. Davis kono naize kamukwa olukela, likute kwasicaba nitutengo totu lela, hamoho cwalo nitundamo, muleneñi ukakwanisa kufetula lika kuli libe mbubo.