Home / Muntu Ogu Karemanene Mosimpagwa Posigongi Saswapo Vana Mudimburura Muntu Ogu Karemanene Mosimpagwa Posigongi Saswapo Vana Mudimburura
MoOshakati Mugara ogu kafire morwa yihorokwa eyi kayihorokere momapeu posigongi sombunga politika zaSWAPO vanamudimburura. Omu kayihorokere ngesi nakufa katwire muporosi kadi mbere paapa kamuninkire asi ngano ahendere kwina, ano muporosi gara apa kamwene asi mukwawo vana mutu nage yiyo kawizire ngano aya popere.Mugara ogu yiyo hena kahomokerere muporosi gara ano age yiyo karoyere meguru amutjilise nye kwato eyi kayikwese dogoro yiyo karoyere mezimo lyanakufa. Mukurona govaporosi moOshana komisara gona Ndahangwapo Kashakumwa katente asi ogu kavadipagere kuna kara Johannes Nambinga Ndishishi,gakara momukunda gwa Onamutenye, mosintokorwa saOnayena, moOshikoto. Age katente asi udigu naunye ou kaureteserepo nakufa Ndishishi, gonomvhura 28, posigongi sombunga zaSWAPO mooMUTHIYA omu muna kara marumbasano gomahoroworo unnene nombunga edi mbali SWAPO naRDP. Age katente asi Ndishishi kwamudiva vekoro lyendi asi mudigu mombere ntani hena kwahara kurwanangana. Kapi gahara kurwana nomawoko age kuruganesa nkenye apa mbere. Awo kavaperepo asi gwawo ogu kwahara kurwanangana. Age kavamuroyere momapeu paapa muporosi kadi kahere asi amuguse pevango eli kakere lina pilire kuwapera,makura ageyiko kupweza mbere nomutwa.Age kakafililire moispangero saOnandjokwe oku kavamudukisilire kumwe nomuporosi ogu katwire. Muporosi kuna kumoneka asi naveruka tupu. Ano mbunga zaCoD, azo kazigeve nkumbu asi sihokwa esi sidona. Omu Ndishishi naSaara Nakumbwata.Ano CoD presidente katente asi nayinye eyi vahepa kuuyipa unzoni mbunga politika zaSWAPO.Momakwedi aga gana piti nompitisili dombunga zaSWAPO, rambangako nkuru ministera Nahas Angula nage kwahwamekere mundiro apa kageve etumburo asi vantu varuganese upolitika wawo.Ntani vaha tarerera vahana kuuyimona. Eyi kuna twaredere vantu vakare nomukaro gomudona. Yipo asi mukaro gwangesi kapi vana guhara moNamibia. Ose kuna kuhundira sihorokwa sangesi vasikona-kone. Vaporosi vaNamibia vahepa kuyirugana eyi. Yimo ana kutanta mpitisili gwaCoD. Mokukwama komisari gona Kashakumwa, katente asi vaporosi kavapatwilire nare nombapira yipo vayitjange nokuyikona-kona.Ano ekona-kono eli vahepa kulituma komutokoli ntoni yipo aka tare asi yosili muporosi ogu kalipoperere ndi?
Your experience on this site will be improved by allowing cookies.
