Home / Musali umwakhuta kamulatu wakubabula mwana'hae Musali umwakhuta kamulatu wakubabula mwana'hae
Aron Mushaukwa Katima Mulilo-Musali walilimo zemashumi amabeli kazelobañwi ili yasimuluha kwa Kongola mwa sikiliti sa Zambezi, nabonahalile mwakhuta ya Katima Mulilo yamuatuli yomunyinya, Lamubulo viki yefelile, kasamulaho akukulubelwa kuli nababuzi mwana’hae walilimo zesupile kamezi abila kabaka lakuli una “nimahañi”. Taba yeo neezahalile viki yale kono haisi Labutanu viki yefelile Tichele yomuñwi yaluta fasikolo sa Kongola iliko mwanana ukena teñi Sitopa sapili, kona atolemuha taba yekomokisa yeo. Tichele ubulela kuli nalumilwe zebe kimutu yomuñwi kuli mwanana nacisizwe kwamukokoto, mikasamulaho wakumutatuba atolimbulula kuli kamanitiluli mwanana nana nimatuma kwamukokoto , mi kapilipili amuisa kwaswiteshini samapokola sa Kongola. Lipatisiso zamapokola nelisupile ku Swalelo mi ayotamiwa, mi lipaki libulela kuli kanako yakutamiwa kwahae nasainyazi kakucisa mwahae yana “nimahañi”. Swalelo yana nimbututu walikweli zepeli nabulelezi mapokola kuli naselile mwahae mezi anabila ili ane amucisize nikumusiela matuma asabisa kwamukokoto, kakuli nahanile kutapa famubili. Swalelo nahanezwi kupikela tolongo kwande, mi taba yahae neshimbulelezwi la 27 Yowa, ili kulumelela lipatisiso kuli lizwelepili. Muatuli yomunyinyani neli Nomsa Khumalo, haneli muzekisi wamuuso neli Diana Khama.
Your experience on this site will be improved by allowing cookies.
