...Ofamili oya kondjo oku hulitha po iihole kaayi na ombili ihe oya ikonda ko
“Otwa kala noku kambandhala okuhulitha po ohole pokati kanakusa nomukiintu ngoka, ihe inatu pondola sha.” Elisabeth Halweendo ngoka eli yinagona yanakusa Lukas Fotolelata hokolele oshifokundaneki shika, ta ti ngaaka. Fotolela (48) okwa li anuwa a tsuwa okusa nombele kuyina yuunona we utatu.
Otaku hokololwa kutya pethimbo Olivia Kalimbo (38), a ndhipaga Fotolela, okwa li ena ohanona yomvula yimwe mondhikwa, ndyoka yina he gumwe a ili.
Oshiningwanima shoka anuwa osha holoka mehulilo shiwike lya ziko momukunda Omutemo momundhingoloko Endola moshitopolwa shaHangwena.
Sho a holoka mompangu yaMangestrata mOshakati prtameko lyoshiwike shika, Kalimbo okwa li a tindilwa okwi ifutilamo mondjeendhililo omolwa uunene woshikoya shoka ta ta manekelwa.
Oshipotha she osha undililwa momasiku ga08 gaNovomba nuumvo.
‘’Aantu mboka oya kala mohole kaayi na mbili, oyali yi ietha, ashike konima oyi ishunine. Omukiintu ngoka a ndhipaga okamwetu okwa kala ta popi poondingosho mpoka kutya okuna okundhipaga Fotolela, nonando etompelo ka kwa li heli popi,’’ ta hokolola ngaaka.
Ta gwedha po ta ti, ke na nando uuyelele wothaatha kutya oya kala ethimbo lithike peni, ihe oya kala ethimbo lela, nonando ya li ya topoka pokati mpoka, e taya ishunine.
Halweendo okwa ti, oya kuthwa omumati gomwenyo omwanawa, e na omikalo ye iha uvitha aantu nayi.
Omupambele gwa naku fekelelwa oshingwanima, ngoka inaahala endhina lye lyi tumbulwe, okwa ti kali po sho oshiningwanima shoka sha holoka, ihe oyu uvite nayi kwashoka a ningi. “Aantu mboka oya kala ye li mekwatathano lyopahole, ndyoka inaali pitikwa. Ombili inayi kala po nando puyo,’’ ta popi ngaaka.
Sha ikolela kepeko lyopolisi Fotolela anuwa okwa li yeli pamwe nakuume ke ngoka mokandingosho kawo moka haya landitha otombo ayehe, sho kwa li atsuwa montulo iikando iyali na lumwe mokwaako.
Otaku hokololwa kutya natango okwa li athigi Fotolela mondingosho moka, ta ende ta popi kutya okwa thiga emu ndhipaga.
Omumwayina gwaFotolela ngoka a li emu landula ta pula kutya oshike sha holoka po, omukiintu ngoka okwa li emu pilukile po e temu tsu iikando iyali ko kwaako.
Omufekelwa okwa mangwa po kopolisi. – vkaapanda@nepc.com.na