• July 16th, 2020

Nangolo kahundilire muhoko guruganene kumwe naGeingob


Victoria Kaapanda 

Onambango –Mpitisili gorudi rovaNdonga Fillemon Shuumbwa Nangolo kahundilire vaNamibia navenye asi vahepa kugava ruha rwawo varuganene kumwe naPresidente Geingob dogoro akamane sikando sendi sokukara asi Presidente gosirongo nomukurona gepangero.

Momapeu kagapwireko Hage Geingob kazire kumwe nosigendio sakahurako mosirongo omu kamukere naPresidentegona gosirongo Nangolo Mbumba ntani nkuru ministera Saara Kuugongelwa-Amadhila kombara zaHompa govandonga poOnambango, momukunda gwaOshana. 

Kasikere sikando sokuhova saGeingob mokukadingura hompa ogu kutunda tupu apa vamutura mosirugana mvhura zina puko mwaPembagona 29. 
“ Yina wapa asi Presidente gona ntani nkuru ministera nawo vava vagave magano kwaPresidente agendesa nawa sirongo dogoro aka mane sikando sendi sokukara asi mutwe gepangero. Ame nakutantere yininke yoyinzi, “yimo ana kuhuyunga Nangolo. 

Age simpe kageve magano kwaGeingob asi gahepa kupurakena nsene asi vantu vendi tavamupe magano age hena gakona kugatarurura. 

“ Kamarada presidente wahepa hena kupurakena momunene kwetu. Vamwe vetu kwakara nomasanseko gomawa ntani twadiva kuhuyunga, nye uwa wetu kwakara tupu mokuhuyunga. 
Yipo asi kara ono Kotoka unene age kahuyungire nonkango edi nokulisigonesa. Age kahundilire nompitisili nonkwawo pampo asi tuhagekeni nomutangu detu kumwe nepangero. 

Ame kapi namwene Hompa gwanare govandonga talitangwisa nepangero, ame name yipo nye ninakutumbwidira asi kapi ngani kara nomutangu nepangeroi.
Ame ngani pangera muhoko govandonga kumwe nokuvatura kumwe, yimo ana kutanta. 
Nangolo, simpe kapandwire Presidente komudingu gwendi, nokutanta asi eyi kuna kulikida asi presidente ana kara negano lyokuruganena kumwe nonompitisili dopampo. 

“ Ose kuna wiza tuyakudigure nokuyatura nye asi meruganeno kumwe tuna kara nokukupandura asi ono kara nye hompa govandonga nokutanta asi eyi tuna zogere tuvavali name nove nayizuvhu nye kuna kukutumbwidira asi epangero nalikayitura moyirugana, yimo ana kutanta mukurona gepangero.
Geingob simpe katumbwidilire asi nakakulika Ondangwa sikare doropa zina kururu ngwendi Oshakati rambangako Ongwediva. 

Nokudika sipangero sosinene omu nasivatera vantu vatunga monomukunda ngwendi Kunene, noKavango mbali ntani Zambezi siyakare moOndangwa. 

Mukaro gwetu ndi mpo zetu mulyo unene. Tuna pumbwa nompitisili dopampo, awo yiwo venya kutara asi twahazumbanesa ntundiliro zetu, yiyo nye yina tureta nayina tuya kare nomumpitisili govandonga nayina, yimo ana kutanta Geingo ogu kahundilire asi nompitisili dopampo doruganese udivi wawo mokutwara mpo komeho vantu vetu vahadivarasi nampili nakauke. 

Nampili ngomu yina kara asi mpo mulyo twahepa pomuhowo kukara asi ose vaNamibia, ntani tuna kutara nye nomuhoko detu, embo lyetu eli Namibia simpe enona, natuvenye twahepa kurugana nye kutateka muhoko ogu.  Yiso sitambo simwe sina tureta ntani nokuyakutambura paveta turuganeneni kumwe ove otupitisire pampo an oose paEpangero. 

Nositambo asi tutunge embo lyetu eli lyaNamibia. Kuvhura kulitangwisa ntani kuvhura kulilimba pamagano nye pokukahulisa twahepa kulikwata kumwe mawoko gavali morwa esi yiso selkie sirongoatutumbura asi sirongo setu ndi asi embo lyetu. 


Staff Reporter
2020-03-05 07:27:36 | 4 months ago

Be the first to post a comment...

You might also like...