Ovakufimbinga momavalulo ovanhu opashiwana moshilongo ashishe, ina vapwa natango oku futwa vati.
Omukulunhuwiliki wehangano lo Namibia Statistic Agent (NSA) Alex Shimuafeni okwa ti ova tula po omalandulafano peenhele opo vadule oku kala va futa ovanhu aveshe ava vali yandja oyeendifo yavo ika longifwe mocensus oshoyo ava vali tava valula ovanhu kolupadi vakale valuta okudja nena-mo13 Novemba 2023.
“Opo tu dule okulonga noupu nosheendelela, ohatu ka longamo ashike eembapila edi dina ouyelele aushe weli xwapo. Eedokumende edi dihena oipumbiwa yeli xwapo ohatu kedi
fiyapo,” Shimuafeni ta ti.
Okwa twikila kutya ova tamake nale oku yandja omuyelele nghee eyandjo loimaliwa ta li kaenda, okudja etitano.
Nonande pena ongunga yeendjo difike opo natango inadi futwa fiyo opapa, NSA vati okwa futa nale ovavaluli vahapu, ovakwateli komesho vee tima oshoyo ovakwateli komesho voikandjohoololo mocensus.
Shimuafeni kwa ti momwaalu waava inava futa natango ovena oku tala oilongifo yonhumba ei vanyonauna naai inava eta, pefimbo va li tava valula ovanhu.
Okwa yelifa kutya oinima oya kwatelamo eengodi edi vali vapewa, omalihumabto avo ngeenge okwali ngaho ta anuwa omeva, etalululo lee contract oshoyo eembapila davo do tax ngeenge ode li xwapo ngaho oku dilila kuNamra.
“Ava vali vatula oyeendifo yavo moCensus otava pulwa vakale vena omauyelele aeshe omahooli vanwefa pefimbo va li tava longo, omafiku aa valonga, oshoyo ee contract dili melandulafano,” Shimuafeni ta ti.
Okwa ti yoo ota kunghilile aveshe ava vena oimaliwa ina ifutwa kuNSA veli dinike manga omalongekido aeshe ta axulu.
“Otwa hala yoo mukale veli ohanda, koo kalya mupombo, unene tuu ngeenge tashiya pokuyandja omauyelele eni eembanga,” Shimuafeni ta ti.