OMUTHITUGONYAMA - Ofami l i yomu ku lup e weedula 83 oya pula elelo lopamufyuululwakalo opo li lidope mo moshikumungu omo omukulupe oo vati a yandja oshipambu shepya laye komufita wongeleka yoshiveva. Paulina Fransa omukalimo womukunda Omuthitugonyama okwa koleka oshinima eshi, ta ti okwa yandja po shili oshipambu shepya laye ongolupandu shaashi omufita oo okwe mu ilikanena. Ta ti meumbo laye okwa li mu na omayoka taa ende nomaxuvi taa kwena oufiku aushe ashike konima eshi a ilikanenwa ihe a mono vali.
E d i okwe di p o py a Olomakaya pefimbo lomutumba wov anamu ku nd a wa li momukunda wavo, omo opolifi, elelo lUukwambi noshoyo kansela woshikandjohoololo shaKalongo kwa li tava kundafana kombinga yeengeleka doshiveva odo vati tadi pukifa oshiwana.
Otaku hokololwa kutya mepya lomukulupe ou okwa li yoo vali mwa dikwa etala longeleka ashike paife ola hanaunwa po konima eshi ovana vomukulupe va lopotela mwene womukunda.
Fransa okwa hokol el ela oshiwana kutya okwa lombwelwa komufita kutya okwa pumbwa onhele yokulima nokonima okwe mu lombwela kutya ote mu pe oshipambu kepya laye.
“Omufita paife okwa pulula oshipambu shepya osho nde mu pa opo a dule okulima omahangu aye. Onda yandja epya lange mwene molwaashi onda pewa ekwafo kongeleka ei, oshiwana nashi xulife po okunyenyeta kutya nda yandja epya,” ta hokolola. Omukulupe ou okwa pula elelo opo li yandje onhele yedu kongeleka nelalakano opo omufita a tunge ongeleka shaashi okwa hala okukala ta i kongeleka keshe Osoondaxa.
Pe f imb o l omu t umb a omonamati womukulupe ou, Kamatuwa Benjamen okwa lombwela opolifi noshoyo mwene womukunda opo omufita ou a pewe oshinano shokungambekwa aha ende mo vali mepya laina.
“Fyee ongovadalwa katu na ombili vali molwaashi meme a yandja epya komufita omanga mepata letu mu na ovanhu vahapu va pumbwa omadu. Omufita ou okwa dina ovanhu molwaashi ota kengelele meme shaashi e wete kutya meme okwa kulupa,” ta ti.
Ovakwashiwana kwa li ve li komutumba ova pula elelo lavo opo liha pitike vali eengeleka doiveva momikunda davo molwaashi otadi topola oshiwana noshoyo okuteya po ombili momaumbo.
Lwopokati opo, Elenga lakula Ndilimani Iipumbu welelo laUkwambi okwa ti ombelewa yaye oya lopotelwa oiningwanima ya yooloka kombinga yeengeleka doiveva tadi teya po ombili momaumbo. “Ovanhu vahapu kave na ombili molwaashi va lombwelwa kongeleka kutya otava li vakwao. Ovanhu vamwe ova tuta mo omaliko momaumbo va twala keengeleka,” ta ti. Iipumbu okwa kumaida oovene vomikunda opo va kwashipaleke kutya kape na ongeleka yoshiveva tai kala momikunda davo pehe na epitikilo la dja kelelo.
-fhamalwa@nepc.com.na