ONGWEDIVA - Olutu lwokanona komimvo 13 anuwa olwa itsuwa kuhe, anuwa omutse gwa taalela mevi, lu li kombanda yokashina kolusheno.
Sha i kol e l e la komu g andj i gwomauyelele gwopolisi moshitopolwa shOtjozondjupa Inspekta Maureen Mbeha, oshiningwanima shoka osha holoka oshiwike shika momukunda Okahumba momundhingoloko goGrootfontein.
Nonando opolisi oyi li metifa okukonakona shoka sha etitha eso ndyoka, he yokanonakadhona hoka ota fekele ka fenya olwithi olundji okuza mokashina kolusheno.
Opolisi oya ti, he nonando kwa li a kambadhala okuthika koshipangelo meendelelo, okanona inaka thika ko.
Opolisi oya kumagidha aakauluntu ya kale taya kumagidha nokulonga aanona nkene ye na okwiihumbata ku keelelwe omaso gombaadhilila.
Tayi ti, iiningwanima ya tya ngaaka otayi holoka oshoka aanona kaye na ontseyo kutya uupyakadhi woludhi luni tau vulu okuholoka nokweeta omaso gombaadhilila.
Opolisi moshitopolwa shaMusati onkene tayi tsikile okulopotelwa omakwato koonkondo, nuunene taga ningilwa aanona aashona.
Opolisi moshitopolwa shaMusati oyi li molukongo lwomulumentu ngoka e shiwike, sho a kwata okakadhona komimvo 16 koonkondo.
Omup e v i kuluntu gwop ol i s i moshitopolwa shaMusati Moses Simaho okwa ti oshiningwanima shoka osha holoka moshiwike muka momuknda Ohauhwe momundhingoloko gOutapi.
Otaku hokololwa kutya omulumentu ngoka kwa li a nu po ondjumbu okakadhona hoka noku ka longela omiyonena ndhoka.
Moomwendhi dha pit i omwa lopotwa aanona yomimvo 9, 13, 14 oshowo omukuluntu gumwe, ya kwatwa koonkondo..
Ta ti, omakwato koonkondo ngoka, oga ningwa kaantu ye shiwike oshowo kaaniilonga yomomagumbo oshowo aapambele.
Simaho ta ti, aafekelwa ayehe mboka yane, gumwe ashike gwomuyo a mangwa po kopolisi sigo onena.
Ta ti, oshipotha shokanona komimvo omugoyi osha patululwa ashike omasiku ga zi ko, sho anuwa ka kwatwa koonkondo komumwayinagona gwomimvo 17.
Otaku hokololwa kutya oshiningwanima shoka okwa li sha holoka momasiku inaaga shiwika momwedhi gwaMai nuumvo momukunda Okando.
Omumati ngoka ta fekelelwa oshinima shika, ina mangwa po, ihe omakonakono gopolisi oge li metifa.
Aakuluntu momagumbo otaya kumagidhwa ya kale taya sile aanona oshimpwiyu oshoka omakwato koonkondo onkene taga tsikile okwiindjipala.
vkaapanda@nepc.com.na