Moshitukulwa shaHangwena neudo omwa lopotwa omwaalu woimbuluma wa londa neenghono, omo paife omwaalu woimbuluma wa fika 7 578. 

Oibofa youmbudi woimuna ou li po268, omahepeko omomaumbo 432, oibofa yekwatonghonga 254, oumbudi wokuteya omaumbo 982, omalidipao 27 omanga oibofa yoku lidenga nokumonifa ovanhu oiponga oi li po1 040. 

Edi oda popiwa kungoloneya waHangwena Walde Ndevashiya Omaandaxa pefimbo kwa li ta popi noshiwana kombinga yeepoloyeka da tulwa moilonga noshoyo omashongo a taalela oshitukulwa shaye. 

Omudo keshe oongoloneya moitukulwa ohava yandje eelopota moshiwana kombinga yeepoloyeka da longwa noshoyo omashongo oo a taalela oitukulwa yavo. 

Ndevashiya okwa ti oshitukulwa shaHangwena osha taalela eshongo linene loimbuluma tai ende ya londa, unene omahepeko omomaumbo. 

Okwa ti ombelewa yaye nopolifi otai twikile nokuninga oikonga noshoyo okutula moilonga eepologalama odo tadi dulu okushunifa oimbuluma pedu. 

“Otwa tunga oshitaashi shopolifi komukunda Ongha nelalakano lokulwifa oimbuluma,” Ndevashiya ta ti. 

Ndevashiya okwa ti komikunda ngaashi Endola, Ondobe, Omboloka, Omulonga nEpembe otaku ka tungwa oitaashi yopolifi. 

“Oitaashiyopolifioyafimanamoshiwana molwaashi otai kwafele oshiwana shiha ende vali eendjila diledile ngeenge tashi ka lopota oimbuluma,” ta ti. 

fhamalwa@nepc.com.na