Omutjange wOngandoini
OTJOMUISE- Oukahuke kokutja ombara yomuzumbi imbwi o disco worokasi wa South Africa, omuyaruke Dan Tshanda, wahara ovakongorere mo Namib ia.
Ihi tjari oukahuke okatjongo kovasuvere womuzumbi we oko kukari okatjongo okananÿengu tjikaworonganene Oritjatano rujiveke tjitjazuko ndari eyuva rombakero ye mo South Africa, ponganda ongohe yomatemba indji o Tura Zone Car Wash mOkatutura okumupa ondjozikiro. Keho mapeya otjimbumba ihi katjari notjivaro posya okwiisira kenyando ndutjari natjo momwinyo tjaraisire kokutja oruvara rwe karuna omayandero ovo tjivararere amavenyanda nokupunda omuzumbi we nganduu outuku tjiwahonapara okuzemburuka omwiimburo wakangaaruhe ingwi womuzumbi we mo Namibia mbwarira omboto yoye yeyuva arihe tupaondino. Tjinene kovature vorokasi owo mbatjaterwa iyomuzumbi imbwi o disco owo wina mburaisiwa otjomuzumbi wosingama.
Omuzumbi imbwi mo Namibia, tjimuna omuzumbi vyosaneno indji vyarwe vyovaimbure va South Africa, vipendura otjimbi tjorukapitaveze omayuva wombiririro yohuurire owo tjinga ozombura indo awari omitumbamitima vyovahuurwa kohuurire yombangu yotjivara kukuhari kokutja yari otjizembise tjongaro indjo uriri nungwari tjinga warira otjiraisiro tjombiririro.
Munao omuzumbi imbwi opuwaharerea omize omire mo Namibia namorukondua, amavizemburukisa ovaimbure varwe voruvezendo tjimuna ovayaruke Brenda Fasie, Miriam Makeba, Hugh Masekela, Steve Kekana, Lazarus Kgagudi navarwe. Tjingetjo ovaimbire tjimuna oo Patricia Majalisa, Yvonne Chaka Chaka, Leta Mbuli na Caiphus Semenya, movengi varwe nai mberiko, kanaa yezembwako.
“Okuzemburuka Omurumendu ongutirwa, omwinyo ngausuvisiwe mohange,” erapi rari aratjangwa omambo omanene okunana ovandu kotjitjitwa tjomazemburukiro ihi Oritjatano poruveze orutjate indwi o Tura. O Tura Zone Car Wash nambano okukeri okatomeo mOkatutura koverinane okuyarukira po o Pamu oyo ndjaa irarere poruveze indui, tjinene kwiimba mbeturira moozndendera za Katutura inda nongondoroka yazo. Omazemburukiron po Tura inga kangariko ayeerike tjinga po Tate Sammy Beer House 2 mOkakarara, nai nduri okaraso koverinane motjihuro itjo, eyuva tjingero indo amwari omazubmurukiro warwe wokuzemburuka Dan Tshanda.
Okakarara okuzemburuka Dan Tshanda kaari ovirihakwa uriri poo ovipererera nungwari otjikando otjiseinina tjari mo Namibia wari mo Kakarara pomaraisiro wovina obmura ndjazuko. Nu omayuva womasuviro wokomurungu, Etuwo rOtjiwana Romerinaneno ra Kakarara rari nomayandjero wondjozikiro kombara yo disco. Tjingetjo pomazembmurukiro inga opupatambukire ondunge yotjimbumba okuyenda ko South Africa okukakara pombakero ya Dan Tshanda Oritjatano ndazuko.
Omazemburukiro Oritjatano ndazuko po Tura yari nomwiimbure omukuru ohongora womizumbi imbi o disco eye wina nguri omukunguzure womizumbi imbi otjaimwe wovakunguzure mbetjiukwa kokutja ozo DJ, Chicco Tjindjo. Ena ra Chicco marizmemburukirwa kozombura inda o 1980 no 1990 motjitamba tjo disco mo Katutura. Wina Oritjatano pari ounepo tjiva wo Big Mountain, tjimwe tjovibmumba vyomonganda vyovimuzumbi ovitit keke mbitona omizumbi vyo disco.
Dan Tshanda wari omwiibmure womizumbi wa South Africa eye ngwarira omutjiukwa mekoverwahi ra Africa arihe nganduu mouparanga wouye ngwa tjiukisiwa iyo tjimbumba ihi o Splash mozombura inda o 1980 nu kombunda ekerikarera. Wakwaterwa mo Chiawelo mo Soweto nungunda aeri omuÞiÞi apiti moskole. Tjakaha pupayenene okuuta okuhinga omatemba, wamuna ovyungura vyokuhinga omatenmba omaryangise wovatuire movihuro. Wina wauta otjimbumba tjemwini, o Flying Squad, tjitjapitisa omboronganisiro yomizumbi kehi yenandi o Mr Tony kehi yonganda indji o Gallo mo 1985.
Ray Phiri wotjimbumba tjomizumbi ihi o Stimela watjaterwa tjinene notjimbumba tja Dana Tshanda navanga kutja tjiye kmwiimburira nawina kutja tjitanaure enaratjo tjirire o Splash. Okuzambo kakutja tjandje ozondjira zapaturuka kozombonganisiro peke peke zomizumbi tjimuna Peacock (1986), Snake (1987); Money (1988) na Tshokotshoko (1989).