Omahangano gaashi gopapangelo, na itaga lalakanene iiyemo oga pula opo ku gandjwe omakwatho goshimaliwa meendelelo koshigwana, taga ti onkalo yoluhepo nuumbanda mokati kAanamibia otayi hweenene.

gandjwe moshigwana osho shimwe shomiisimaninima ya li ya pulwa kehangano ekalelipo lyomahangano gaashi gopapangelo lyoCivil Society Organisations (CSOs) kuumininisteli wemona osho wo okakomisi koNational Planning Commission (NPC). “Ope na ompumbwe yomeendelelo opo ku gandjwe oshimaliwa moshigwana. Etokolo lyokabinete ka zi ko lyokulundululila oshikukuta shiikulya moshimaliwa shokomwedhi olya taambwa ko na ewanawa, ashike omwaalu gwoonakumona uuwanawa mboka ogu li pevi noonkondo okuyel ekanitha nuupyakadhi mboka wa palamena oshigwana,” omushangwa tagu ti ngaaka. Graham Hopwood, Omukuluntu gwehangano lyaashi lyopapangelo ndyoka hali ningi omapekaapeko miimpungu yekwatathano pokati koshigwana nepangelo lyedhina Institute of Public Policy Research (IPPR) mOmaandaha okwa ti omuthika gwonkalo yoluhepo moNamibia ogu li pombanda unene mongashiingeyi okuza sho oshilongo sha manguluka momumvo 1990.

“Ope na ompumbwe opo ku gandjwe oshimaliwa shomakwatho koshigwana. Etokolo lyokabinete ka zi ko lyokulundululila oshikukuta shiikulya moshimaliwa shokomwedhi olya taambwa ko na ewanawa, ashike omwaalu gwoonakumona uuwanawa mboka ogu li pevi noonkondo okuyelekanitha nuupyakadhi mboka wa palamena oshigwana,” Hopwood ta ti. Ndhika okwa li e dhi popi sho a li ta gandja uuyelele wa gandjwa komahangano gaa shi gopapangelo kuuministeli wemona. Omahangano ogendji gaashi gopapangelo oga li ga popi kombinga yompumbwe yomagumbo osho wo onkalo yokwaa na uundjugo ya nayipala momalukanda oshilongo ashihe. Otaya pula omalelo goondoolopa niitopolwa yilwe ga pewe oshimaliwa shoka shokuyambulapo omayakulo, unene evi. Oya pula wo opo eliko lyi yambulwepo okupitila moongeshefa oonshona.“Otwa pumbwa okuuva ko nkene omangeshefelo gomomalukanda haga longo,” Hopwood ta ti ngaaka. Ta pula ku ningwe omapekaapeko gokolela opo kaaku thigwe we ooprojeka dha ekama, dhaa na ookasitoma nomatungo itaaga longithwa, opo iimaliwa mbyoka yi lundululilwe kiimpungu yilwe.

-Nampa