OTJOMUISE- Ombongarero yovanarupa momaraisiro wovinamwinyo, nowozongetjefa novazembamisa yovikara vyoukamba maiso okuhaamena mEpako katjisupi okuripurira komarungasaneno vyovitjitwa imbi ovyo nai mbyauta okuvetasana ovipara.
Tjinene nene ovaÞuta nambano vauta okutjema nokutja omaraisiro wovinamwinyo otja kombazu ngaayekaro ko mozoresevate yauta okuyaruka ombunda mena romaraisiro wozongetjefa nai ngaunda okutakavara movirongo ovingi ovinene vyozoresevate nganduu movihuro. Ondjemeno onene yovaÞuta mbekara noruopa momaraisiro woozongetjefa okutja ondjindiro oombi yawo povitjitwa imbi nomatakavarero womaraisiro inga ondorondomba nambano ngehayandjere ovatuta osuvaneno nandarire okungara maveyandja ombango yawo koututa nawina okupa ovinamwinyo oruveze nandarire rokukwata nokukwatisa tjandje aruhe ovyo viri morutjindo okuza komaraisiro yemwe wozongetjefa okuyenda kuyarwe.
Omaraisiro inga nambano yetendekasana. Muwo nambano wina akuriweza nokurirunga ovikara vyoukambe ovyo mbyauta okupora ovatuta komaraisiro nu nambano wina omaraisiro wovinawminyo ngauta okuninikiziwa nokurambwa kutja yemanuke ovandu vetupuke kovikara vyoumaukambe. Albert Tjihero, omuÞuta omukuru nu umwe ohorooze womaraisiro wovimawinyo mozoresevate matja ombazu irira kokutja omaraisiro wovinamwinyo yekare mOrovyungura omba mbetumba orurama tjivazu kovihuro kuveungura. Nungwari nambano omaraisiro inga Orovyungura yehakahanisiwa kutja ovandu veyende kovikara vyoumaukambe nu munao nambano ovinamwinyo otjivihamunu nokupewa ombamgo noruveze nduveripwire. Tjihero matja ndoovazu ongaro indji kaurundururirwe koupwe, mapeya apeya kokutja ovatuta veute okuripurira okuyaruka kekuru okurikarera nomaraisiro wovinamwinyo peke kuwo oyeni. Munao otjeri ohepero nai ovitjitwa ovingi imbi otja tjivyeya komayandero nai omburandji, ngunda imbi vyombura ndjimaiyende avihiyauta, ongaro indji kuripurirwe nu iÞunwe.
Katjinduu Tjahuha katjisuopi ngumazu pomaraisiro wa Katutura, owo wina omburandji motjitanmba tjomaraisiro wovinamwinyo ngehayandjere ohange, tjinga apari ozondu o 24 uriri, matja ohepero okuriyaruka mourekoto. Otja kuye omaraisiro woviamwinyo pomaraisiro wa Katutura ombura indji yari ombaze imwe kombunda. Matja omena romayuva wawo omburandji ngatanaurirwe okutwarewa komayandero womweze ibmwi Seninarindi nomautiro wa Tjikukutu. Matja mena rokutja omayuva inga ohumburuko nomaraisiro wa Tjomuise, ouzeu ovatuta mbayeta ovinamwinyo komaraisiro wa Tjomuise okuuhara amavekorota ovimawinyo komaraisiro wa Katutura kombundomweze. Munao otjimatja omaraisiro warwe yasere okusembamisiwa komurungu womaraisiro wa Tjomuise okuyandjera ovatuta oupupu kutja tjivazumbo vehiti mwiingo wa Tjomuise oyo yerire ngumayepata ombura. Tjihero tjingetjo unoumune tjingewo. Matja ouzeu kovatuta okuryanga novinamwinyo kovituve tjinene tjinga averisutira ovinamwinyo okuviryngisa momaraisiro.
Tjahuha wina matja ohepero okuyarukira omaraisiro wozongetjefa naingo wovinamwinyo tjinga inga wozongetjefa tjinene ayetandera kozongetjefa nu ayehina yautirwa ovinawminyo kaparukaze nungwari okutunduuza ozongetjefa zovirongo novihuro. Eye wayandja otjotjiraisiro omaraisiro wa Ngwendiva pupehina pekara otjinawminyo nandarire tjimwe kaparukaze nungwari ngerira onÿoneno onene tjinene.