OTJOMUISE- Omuhaamsie wOvihavero vyEhika rOvanane Vombazu Vovakwena, Seth Kooitjie, masuvisiwa mofarama indji o Soutriviera, ape ozokirometa 30 okuza mongwa ye ya Homeb ohumburukon ape nozokirometa o 95 na zOrongondo muhuka.
Eye watire tjiyari 25 komweze mbwazuko mEzorongondo atu iyomutjise woasama mbwari nawo tjimakavaza konamiti tjandje ketjipo rukwao. Oritjavari pari omayandjero wondjozikiro kuye porutavi indwi o Bethel rombongo yOurhindo mOtjomuise. Omakareropo wOuhonapare wOmbazu wOvaherero pomayandjero wondjozikiro kombara omuyaruke, Seth Madawa Kooitjie, wOvakwena imba Ovatopnara katjiraisire tjombindu imwe pokati kOvakwena nOvaherero uriri.
MÞiri Muundjua matja nao. Eye wakuramenenepo ombara otjitambi yOvaherero, Vekuii Rukoro, pomayandjero wondjozikiro kombarandji Oritjavari mOtjomuise porutavi rwo Bethel rombongo yoruhindo. Matja pendje nokutja omihoko vivari imbi vinombindu imwe, ovyo wina vyayende pamwe ozombura ozengi ndumazeyaruka kororowa pamwe puvyakara nozombura ozombwa zohange nawina ozombi zovita. Koruseinina ovyo vyahangana, avitwako omunwe limbo kOngutasaneno yOhange ya Hoachanasa yatjiyari muvyu ku Rozondu mo 1858. Muundjua watjere oruveze yari orusupi okuyenena okurihonga kombara omuyaryuke Kooitjie tjinga aisapewa ohakahana nungwari oruveze eye ndwemutjiwa wemutjiwa otjomurumendu ombambairi nunguhaivaiva nu wina nguhina mookahaka kutja ongurameno ye yasanapi motjjina tjahungama natjo.
O Ministera yOmekurisiro wOvihuri nOkozombanda, Peya Mushelenga, ngwatja waungura popezu nomuyaruke Kooitjie noruveze ndwee kumutjiwa otjangwaungurire ozonÿero zomuhoko wao nozongari noupatje. Tjimwe tjotjiraisiro zoumbambairi kotjiwana the imbwi ovyungurisiwa vyakandinondi mbyakondja kutja viungwe pomaturiro wOvatopnara po Utuseba mokuti okuza kwa Namib tjimuna oruveze rondjeverero wouveruke, oskole noruveze romarongerisiro wounatje koskole. Mushelenga watja Kooitjie wakara norupa orunene mozombongarero zomburaihe zOtjirata tjOvanane vOmbazu nu tjinene nene mokomoti yondondo yokombanda ongonÿonone yozondjakaha moviwa¿a vyombazu novirata vyavyo. “Ete tjiri twasewa nondjo ye kohambwaraka¿a ye onanÿengu kokupa Otjirata tjOvanane vOmbazu omasa,” Mushelenga watja.
“Wari omunane ngwaatara ouye komeho nu gweeriyandjere nu neye kaire uriri nungwari ouyenda we mouyembwi wari nozondando ndeurisa, nu nambano ete otjimatumuyandja momake womuute,” eye wapatere naingo.
Otjitjitwa tjingee itji tjitjitirwa okuyandja ondjozikiro komuyaruke momwano wongamburiro ndjimaitara kovyungura novitjitwa vye. Tjingetjo otjitjari ondjozikiro oseinina kombara omuyaruke Kooitjie tjinga oviwa¿a peke peke vyozongamburiro peke, tjinene okuza moviwa¿a vyOngwena, tjinga eye aaseinine otjomuhaamise wovihavero vyEhika Rovananeno Vombazu Vovakwena. Munao oviwa¿a imbi mbyari motjivarero otjiwa, muvyo mumwari wina ekoti rovanane voporotika nawina ovanene vombazu varwe peke peke, vatangere omuute ngwvepere omunane ingwi ngwee heripurire kuye, nomiryi vyao oveni, nozohiva nozongoma mongamburiro amavetja owo kavena kumuzemburuka uriri tjazumba avemuzembi nungwari mavemuzemburuka kokutja imbi eye mbyaarwure ndinondi “vevikotore”. Tjimatjihee kokutja poo okutorokwa kokutja okututumuna ombazu yoviwa¿a vye tjitjari otjina Kooitji tjeetjisekamene nomasa netjirwire. Nawina ihi otjirwa tjombinÿu yovakuru novaÞi, tjitjiri otjirwa tjOtjitiro Otjindjandja eye wina maiseinine otjaumwe wovanane vatjo onongora nohoroose.