Home / Ombara yapitire momahaameno wOtjirata tjOvanane Vombazu.....Kambazembi na Shaningwa va vetasanene omambo Ombara yapitire momahaameno wOtjirata tjOvanane Vombazu.....Kambazembi na Shaningwa va vetasanene omambo
Ezoroue/Otjomuise Ovita vyomambo vya tambukire muno Omandaha pokati kombara Sam Kambazembi no ministera yOmekurisiro wOvihuro nOmahi wOkozombanda, Sophia Shaningwa pomapaturukiro womahaaameno oyetja 19 wOtjirata tjOvanane Vombazu. Oumba imbwi watjitirwe kombunda yomaisaneno womana okutara kutja ou¿epo mbwasere okuhaama momahaameno inga opuuri mburi ombara aihe nou¿epo warwe uvari kutja oruhindo aruhe rukare nou¿epo utatu. Orata onene Ueriuka Tjikuua na Annie Kahipuire okuza kOndjuwo yOuvara wa Kambazembi tjingetjo puvari nandarire kutja omanangero yari korata imwe uriri. Ihi tjatjtire kutja Shaningwa maningire kutja omuhindua outjatatu, Kahipuire, kutja mazamo mo mahaameno inga. Ihi makuzu kanaa tjatjatere ku Kambazembi ngwasekamene okuhandjaura posyo Shaningwa ahaandjere emutie okuhina okuhungira natja ngahaame. Ombara Kambazembi makuzu okuzambo otja purire Shaningwa kutja ongwaye tjehiya pewa oruveze rokuhungira nouyara tjimuna o ministera tjaa iyandjerwa, Shaningwa pazirire kutja eye mahungire mena rokutja eye onguri kohonga yotjiungura. Ihi tjapindikisire ombara ndjazirire naitja: “Ami wina mbiri kohonga yotjiungura. Indji kamberoo yoye,” tjazumba ahaama. Okuzambo Kambazembi waraerere omahaameno inga kutja eye okuzambo kena kurira orupa wawo mena rokutja mamunu kutja watengururwa. Makuzu watjere: “Kanaa tuso okuyandjera omukazona ingo okututengurura omwano imbo, owete omunene puye.”Makuzu ombara watjivisire ozombara ozongwao kena kurira orupa nozondiero mena rokutja Shaningwa wemutengurura momurungu yozombara ozongwao namomurungu wotjiwa¿a. Mehungi romongoze kuna o New Era Oritjatatu, Kambazembi watjere Shaningwa kaari nondengero. “Omwano mbwahungirire kunaami yari omuhina ndengero tjinene. Munao opumbazire okuripitisa,” watjere naweza ko kutja eye omunane wonÿengu notjehina meeriyandjere okuhuurwa iyo Swapo. Tjapurirue ohunga notji¿a ihi Shaningwa Oritjatatu wapatasanisire kutja vena omambo omavi nguvapingasanisire na Kambazembi nu kangamwa ngwatjere nao kenaa wamwine ondjivisiro ndjiriyo. “Hinomambo omatjoziwa mbaungurisire ngamayeso okumunikwa omahina ndengero. Hinaundu kaparukaze mbatjere ngayende posya eye waire nomapu ngumayetjiukwa iye omwini. Komurungu Shaningwa watjere tjaatjiti porwe okuraisa ounane otja komazeva ngetwapo kutja ou¿epo wOtjirata porwe ombwasere okukara pomahaameno watjo. “Indwi orutu rounepo mbwetjangisiwa mbuzemburukwa iyoveta, munao konoo yeterere kangamwa omundu okuye kuhaama.” Omuhaamise wOkehi wOtjirata, ombara Immanuel /Gaseb, matja Otjirata matji hungirire kotji¿a ihi noku ripurira kondjira komurungu. “Okuhina ondengero kaparukaze kondjuwo aihe nako ministera,” matja komapitiro wa Kambazembi naweza ko kutja “kanaa tuyandjere karive nongaro indjo oku kara mokati ketu”.
Your experience on this site will be improved by allowing cookies.
