Opolifi moshitukulwa shaMusati otai konakona oshibofa omo vati omufiyekadi weedula 61 a fiwa pomutenya konima eshi ofamili yomushamane waye ya fyuulula po omaliko ayeshe meumbo.

Omaliko a fyuululwa po oku li pongushu yoshimaliwa N$748 300.

Oshiningwanima eshi osha ningilwa momukunda Oshihau moshitukulwa shaMusati okudja omudo wa djako muSepeteeba fiyo oneudo.

Commissioner wopolifi mOmusati Ismael Basson okwa hokolola ta ti omufekelwa okwa fyuulula po omaliko ngaashi eetuwa mbali, eedi, eendoongi, oikombo nosho tuu omaliko amwepo a yooloka.

Opolifi oya hokolola tai ti omufiyekadi okwa li a shangifwa momambo komushamane waye opo a kale a fyuulula po omaliko ayeshe ashike oosuwala shaye inave liufa ketestamendi lanakufya.

Vati konima yefyo lamumwaina, ova tameka okuningila omufiyekadi omatilifo nokututa mo omaliko meumbo.

Naashi osha ka eta opo omufiyekadi a ka patulule oshibofa kopolifi. 

Opolifi oya weda po tai ti kape na omufekelwa a kwatwa po ashike oye lipyakidilila nomakonakono.

fhamalwa@nepc.com.na