REHOBOTH - Opolifi moshitukulwa shaHardap otai konakona oshibofa shomukainhu weedula 30 vati a longelwa omunyonena wopaixulo nokuningilwa omatilifo edipao nombele.

Oshiningwanima osha ningwa Omaandaxa modoolopa Rehoboth efimbo loufiku.

Omupopiliko wopolifi moshitukulwa shaHardap Inspekta Linea Heita, okwa hokolola ta ti nakuninga oshihakanwa okwa hangika ta ende momulamba a uka keumbo nokunukilwa komufekelwa e kwete ombele.

Omufekelwa vati okwa lombwela nakuninga oshihakanwa opo va ye naye moixwa nongeenge ina hala ote mu dipaa.

Opolifi oya hokolola tai ti okudja opo omufekelwa ova ya moixwa popepi nomaendo.

Ota hokololwa kutya omufekelwa okwa ya moixulo nomukainhu ou e li nakuninga oshihakanwa. Vati okudja opo omufekelwa okwa twikila nokuningila omatilifa omukainhu ndele ta i naye moixulo lwoikando ivali.

Omufekelwa okwa faduka po nokufiya omukainhu moixwa.

Nakuninga oshikanwa okwa twalwa koshipangelo opo a ka ningilwe omakonakono opaunamiti. Opolifi oya kumaida ovakainhu opo va kale va kotoka ngeenge tava ende omaufiku molwaashi ovakainhu paife ova ninga oihakanwa yokukwatwa onghonga.

fhamalwa@nepc.com.na