Omukainhu weedula 39 okwa kwatwa po shaashi vati a denga ina weedula 65 noikulumbwati momutwe.

Oshiningwanima osha ningwa oshivike sha dja ko momukunda Onandjandja moshikandjohoololo Ruacana, moshitukulwa shaMusati.

Omukulunhu koshikondo shokukonakona oimbuluma mopolifi kOmusati omupedu Commissioner Moses Simaho okwa hokolola ta ti omufekelwa okwa kala shito nokuningila ina omatilifo kutya ote mu langula noimwati ndele te li mangeleke.

Opolifi oya hokolola tai ti omufekelwa okwa li a kolwa pefimbo loshiningwanima molwashi efiku olo okwa dja keendingosho e li pa mo mokakundu.

Omufekelwa ota holoka momhangu nena nota pangulilwa oshibofa shomahepeko omomaumbo.

Oshiningwanima shikwao, opolifi otai konakona oshibofa omo Omuangola vati a ningilwa omatilifo edipawo komulumenhu weedula 29 Omunamibia. Oshiningwanima eshi otashi li nyenge komukunda Onandjandja mOmusati.

Opolifi oya hokolola tai omufekelwa okwa li tataa omulumenhu oo nombele a hala okumudipaa. 

Otaku hokololwa kutya omufekelwa okwa li a kolwa molwashi efiku olo okwa dja keendingosho.

Omufekelwa ina kwatwa po onghee omanakono opolifi otaa twikile.

Opolifi oya kumaida oshiwana opo shi kale alushe tashi lopota pefimbo ngeenge tashi ningilwa omahepeko omomaumbo.

Lwopokati opo, okaana kokamati keedula nhano oka xulifa eshi vati ka pona ongwiya momukunda Onamundindi moshitukulwa shaMusati mexuliloshivike.

Nakufya okwa tongolwa oye Pius Santana omukalimo womukunda Onamundindi.

Otaku hokololwa kutya Santana okwa tamake ta kolola ita dulu nokupopya nokonima okwa xulifila meumbo.                                                      

– fhamalwa@nepc.com.na