Omukulupe weedula 68 okwe lituwa komushamane waye a xulifila metemba lomeva pefimbo kwa li te likosho. 

Oshiningwanima osha ningwa mexuli loshivike meumbo lavo moWindhoek efimbo lomutenya. 

Omu p o p i l i ko wo p o l i f i omupedukomufala Kauna Shikwambi okwa hokolola ta ti omushamane mwene weumbo okwa fika meumbo okudja koilonga nokonima okwa hanga eumbo la patwa. 

Opolifi oya hokolola tai ti ongodi yomukulukadi waye kakwa li tai nyamukulwa pefimbo kwa li te i dengele. 

Okudja opo omushamane okwa ka tala eeshapi dopeumbo kokaana kaye oko kwa li ke li koilonga. 

Opolifi oya ti eshi omushamane a patulula eumbo okwa kala nokukonga omukainhu waye ashike ke mu wete. 

Okudja opo okwa ya mokalikoshelo nokuhanga omukainhu waye a fila metemba li hadi omeva. 

Lopokati opo, ounona vavali ova lopotwa va fya konima eshi vati va wila momavela omeva mexuliloshivike. 

Okaana kokamati kodula imwe oka fya konima eshi ka wila mevela lomeva meumbo lavo komukunda Oniimwandi efimbo longula. 

Ot a ku ho k o l o lw a kut y a oshiningwanima osha ningwa pefimbo ina yokaana a nangala koshi yomuti. 

Okaana kokakadona kodula imwe nako oka fya konima eshi ka wila mevela lomeva modoolopa yaTsumeb efimbo lokomatango. 

Opol i fi oya hokol ola tai t i oshiningwanima osha ningwa pefimbo ina yokaana kwa li ta kosho oikutu. 

Os h i n i n g wan i ma sh i kw a o, okamatyona keedula 16 oka fya oshuungungu pefimbo kwa li tava lafulula mondungu. 

Oshiningwanima osha ningwa komukunda Iitatu moshitukulwa shaMusati efimbo lomutenya. 

Opolifi oya kumaida oshiwana opo shi hatule vali omavela omeva poluhayela opo ku kelelwe ounona vaha ninge vali oihakanwa yokuwila momavela omeva. 

Omakonakono opolifi otaa twikile moikumungu yovanhu va fya omeva. 

fhamalwa@nepc.com.na