New Era Newspaper

Header ads
Icon Collap
...
Home / Omukulupe gwoshilumbu moluhepo

Omukulupe gwoshilumbu moluhepo

2020-12-14  Victoria Kaapanda

Omukulupe gwoshilumbu moluhepo
Top of a Page

Victoria Kaapanda

Omukulupe gwomimvo 77, ngoka a ningi omimvo 30 moRuacana, okuli moluhepo lwa meme-meme, ta si ondjala, eli monkalo kaayi na uundjolowele, iha kwata openzela, ye ishewe okwa kanitha ekwatathano nofamili ye. 
 Omukulupe ngoka okwa tseyika nedhina Milho Willem Jacobus ina vula okufatulula kuKundana nkene eya noku kala moRuacana nomolwashike a kala a ikalela ethimbo alihe ndyoka.

Jacobus okwa ti, ye ovalele yaTjiwarongo ashike elaka ndyoka tapopi nawa Oshidhemba. Elaka lya yina lyOshiafrikaans ambala eli dhimbwa, ashike ota kambadhala ngaa. Ota ti moRuacana moka eli oku li mo ta monene mo iihuna, ta si ondjala, a tala owala maasihenda. Ta ti ngele a makele sha sho kulya ongele, mushiinda she ngoka e mu edhilila e mu thigilamo miikulya a li ta li.
 “Onda sondjala, owa etelande okulya? Ondasa ondajala, inandi lya oku za ohela oshoka mushiinda shandje ina pandje sha,” odho a popi tango sho ta ende ta zi mondjugo ye yo kulala. Ta ti, otadhi mbulukwa kutya okuna uunona wu li utatu, ihe kiipala ya wo itewu dhimbulukwa we, ye keli mekwatathano nando nomukwanezimo gwe gumwe.

“Ondi na uuthemba waNamibia, ihe ihandi mono openzela.  Ihandi mono oshikukuta, kandi vula oku enda oshinano we, ndi ka nyangadhale opo ndi mone sha sho kulya, ngaashii nale” ta popi newi ta li ke kama.
Jacobus okwa li a yelithile Kundana kutya okuna ohokwe yokushuna kegumbo, ihe ita dhimbulukwa ko we.
Oomvula odha ninga odhindji inaashuna kegumbo, po kape na we ngoka te mu sile oshimpwiyu muukulupe we.
“Mondjugo yandje ohandi zi mo ashike uuna tandi yi kiihwa. Ihandi ikosho, ka pena omeya ge li popepi. Otandi mono ihuna,” ta popi nomahodhi taga tondoka.

Kundana sho a li ayi meni lyehala moka ha zi, okwa adha olwithi talu zi mokapeleki katulwa kumwe noothaila, muna etalashe no katenda moka halala. 

Ta popi ta ti, mo kapeleki moka omo ha telekele una a pewa uusila kumushinda. Asteria Kapungu ngoka oye a li agandja uyelele kombinga yomukulupe ngoka omutiligane, okwa ti, nonando okwa penduka ongula yimwe, ihe ina adha ena omwenyo, itashi mu halutha unene, oshoka oku li mondjala onene. “Ngame ihandi longo, ihe ohandi muyambidha ashike no kahi kondooha, una nda landitha hwepo , ihe esiku ndyoka ngele ine landitha nawa, ngele nde mu thigile mo, nde muthigila mo. Uuna kapenasha kapenasha, naye ota lala ashike nondjala,”Kapungu apopi ngaaka.

Ta hokolola ta ti, kena uuyelele wa gwana nawa kutya omutiligane ngoka okwa li eya mo ngiini moRuacana sigo a kulupile mo.  Ta ti, okwa li emu kwathele a kale ta zi konima ye hala lye oshoka okwa li emu adha talala momilamba atidhwa hoka kwa li ha zi.
Kahungu ta ti, ngeno okwa li ihaayambidhidha nokashona hoka hemu kwatha nako, ngeno okwa sa nale kondjala. Ta ti, okuna uumbanda, ngele pwaka holokasha kutya otaya  katseyithila lye, ngele ka pena nando omukwanezimo gwe eshiwike. “Otandi pandula, oshoka omukulupe ngoka  okwa shitilwe ena oonkondo. Esiku oha li vulu okupita po inaalya nando osha, andi ke mupa ashike esiku lya landula ko omutenya ashike,” Kahungu a popi ngaaka.

Kansela gwoshikandjohogololo shaRuacana Andreas Shindama okwa yelithile Kundana kutya omukulupe ngoka oye mu shi nawa. “Ngoka omuntu gwepangelo, oha kwata openzela, oohapu adhihe apopi kaadhishi dho shi li,” Kansela apopi ngaaka. Ta ti, omukulupe ngoka okweyile moRuacana ethimbo lyoshilongo tashi manguuka. 
Kansela ta ti, omukulupe oheya lombwele kutya kena mpoka tayi, ina hala okuzamo moRuacana.


2020-12-14  Victoria Kaapanda

Tags: Oshana
Share on social media
Bottom of a page