Okamatyona keedula 18 oka kwatwa po eshi vati ka ponokela nokutwa neembele omukwashiwana waZimbabwe.

Oshiningwanima osha ningwa mexuliloshovike molukanda Otjomuise moWindhoek efimbo loufiku.

Omupopiliko wopolifi omupedu Commissioner Kauna Shikwambi okwa hokolola ta ti okamatyona oka hanga omulumenhu oo ta ende mepandaanda omu ha kadi.

Okudja opo vati oke mu nukila noku mu twa neembele lwoikandoa itatu monhulo nomombudda.

Nakuninga oshihakanwa okwa monifwa oshiponga nokutwalwa koshipangelo shepangelo shaKatutura opo aka mone epango lopaunamiti.

Opolifi oya hokolola tai ti nakuninga oshihakanwa okwa tambululilwa moshipangelo noku li monghalo idjuu.

Okamatyona oka holoka momhangu onghela nomakonakono opolifi otaa twikile.

Opolifi oya kumaida ovadali opo va yandje outeku muwa kounona vavo opo ku kelelwe ounona vavo vaha longe oimbuluma.

fhamalwa@nepc.com.na