Omulumenhu weedula 31 ota holoka momhangulilo yamangestalata waNdangwa nena molwaashi vati a kwata onghonga ounona voumati vavali pefimbo va li tava di kofikola.
Oshiningwanima osha ningwa oshivike sha dja ko efimbo lomutenya momukunda Eheke moshitukulwa shaShana.
Okaana kamwe oke na omido omuwoi omanga kamwe oke na omido hetatu aveshe ohava di meumbo limwe.
Omukonakoni woimbuluma wopolifi moshitukulwa shaShana Chief Inspector Bartolomeus Mateus okwa hokolola ta ti omulumenhu ou okwa shakeneka ounona mondjila tava di kofikola ndele te va ufana.
Otaku hokololwa kutya okwa lombwela ounona kutya okwa hala okupula kutya ova longwa shike kofikola.
Okudja opo okwa lombwela ounona opo va ye naye koshi yomuti nokonima okwe va longela omunyonena wopaixulo.
Opolifi oya hokolola tai ti ounona ova ka lopotela ovadali keumbo kombinga yoshimbuluma eshi.
Omufekelwa ou okushivike nawa koumatyona ava shaashi oha di pomukunda umwe navo.
Onghee okwa kwatwa po konima eshi ounona va yandje ouyelele we lixwa po kopolifi.
Oonakuninga oihakanwa ova twalwa koshipangelo shaNandjokwe opo va ka ningilwe omakonakono opaunamiti.