Omukulupe weedula 89 okwa tambulilwa moshipangelo shaNandjokwe konima eshi a dengwa nomakatana komutekulu waye e na oudu wopamadilaalo.

Oshiningwanima oshaningwa Osoondaxa komukunda Okapanda moshitukulwa shaShikoto efimbo longula meumbo lavo.

Omukulunhu koshikondo shokulela oimbuluma Omupedu Commissioner Wynand Neels okwa hokolola kutya omulumenhu ou okwa ya monduda yokatekulu kaye kokakadona keedula 15 ta kondjifa aye nako moixulo.

Omukulupe vati okwa ya mo monduda omo mwa li omufekelwa nokaana ndele te ka nyeke ko. 

Okatekulu oka faduka po ka ka lopotele ovashiinda ashike omufekelwa okwa kufa ekatana nokudenga omukulupe lwoikando ivali kofingo noshoyo mepepe.

Opolifi oya lopotelwa oshiningwanima eshi, nomukulupe aveshe  nomufekelwa ova twalwa koshipangelo.

Neudo moshitukulwa shaMusati omwa lopotwa omukulupe weedula 104 okwa xulifa konima eshi vati a dengwa noikuni komonamati oo naye vati e na oudu wopamadilaadilo.

Opo oya hokolola ta ti omulumenhu weedula 36 okwa kufa oshikuni shomundilo ndele ta denge ina komutwe.

Omukulupe okwa twalwa koshipangelo shaShikuku opo aka mone epango lopaunamiti nokonima okwa tuminwa koshipangelo shaShakati molwashi okwa li e li monghalo idjuu.

Opolifi oya hokolola tai ti omukulupe okwa xulifa konima yokafimbo kashona a fika moshipangelo shaShakati. - fhamalwa@nepc.com.na