Einda lopolifi pomashakeneno opate yaRuacana, Kamanjab oshoyo Opuwo mafiku otali ka mona etungo lopashinanena.
Omu p o p i l i ko wo p o l i f i komufalapedu Kauna Shikwambi, okwa ti omalongekido okutunga oshitaasi shopolifi peinda lopOmakange, moshitukulwa shaKunene oku li metifa. Ta ti okwa tengenekwa noku li opo onhele oyo okwa tengenekwa opo ipwe okutunga moule womudoshimaliwa ou.
Ovapolifi vaMakange ova ninga efimbo tava nyenyeta kutya otava longo monghalo yoilonga ya nghundipala vehe na omeva oshoyo ondjuwo.
Tava ti ohava ka teka omeva okunwa komboola i li kokule neinda, nohava fininikwa okulongifa oixwa ngeenge va pumbwa oku li vatela. Vali positaasi yavo ope na okakefa kolusheno, ashike ohave lihange tave liweda oshimaliwa opo va tule ko olusheno ngeenge la pu ko.
Shikwambi okwa dimina kutya odo tadi popiwa kovapolifi odoshili, ashike omukundu oo ou li pokukandulwa po.
Ta yelifa kutya onhele aishe yaMakange konyala kai na omeva, novanhu ohava teke meemboola. Okwa tumbula yoo kutya ovanambelewa ova ninga okandjuwo kavo ke li apa hava di, haka tilwa omeva.
“Ovapolifi ohava ka teka omeva komboola oyo hava longifa pamwe novakwashiwana opo va dule okunwa nokulongifa eemhumbwe davo,” Shikwambi ta ti.
Omupoliko wopolifi okwa koleka yoo kutya ovapolifi mOmakange ova kala mo okudja momudo 2008 fiyo 2021 vehe na olusheno. Momudo 2021 Nored okwa yandja olusheno positaasi opo, ashike omukulunhu wopolifi moshitukulwa komufala James Nderura okwa kala alushe ha fi oshisho kutya ovanambelewa kave li momilaulu. Shikwambi ta ti omapopyo okutya ovapolifi ohava lande olusheno voo vene kaeshi oshili. Ta fatulula kutya olusheno olo hali tulwa ko kepangelo ohali dulu okalonga oule weemwedi da fika punhatu fiyo nhee.
Okwa yelifa kutya oshitaasi shipe otashi ka kala shi na omeva nolusheno, novapolifi itava ka mona vali omaupyaadi molwa oku he na omeva nolusheno.
Shikwambi ta pupula kombunda ovanashilonga pamwe naye ta ti nonande veli monghalo ya djuupala, otava longo noudiinini nove li paka mo alushe moilonga yavo.
Ta ti ovapol i fi otava yakula ovakwas h iwana nawa nombi l i nopefimbo, voo ove na ondjungu alushe moilinga yavo. “Ehalo letu oleli kutya omutengenekwa faneko woimaliwa otau manwa pefimbo, opo etungo eli li fikame po pefimbo,”Shikwambi ta tumbula.
taimihaihambo2000@gmail.com