Ehangano lyaantu ye na uulema lyoNational Disability Council of Namibia (NDCN) olya li lya ningi oshigongiilonga ohela, moka ya li taya kundathana kombinga yoontotwaveta dhi li kombinga yaantu ye na uulema.

Omukuluntuwiliki gwo-NDCN Angelique Philander okwa popitha omutumba ngoka ta ti oshigongiilonga shoka osha thiminikwa kooveta dhonale unene dhi na sha nuulema ndhoka dha etelwe po momumvo 1997. 

“Namibia ota kutha ko neitulomo iinima yi na sha naantu  ye na uulema oshoka otwa dhimbula kutya aantu ye na uulema oye na mo oshitopolwa oshinene monakuyiwa yoshilongo oshowo momayambulepo goshilongo sho taku talika kethanekwathimbo lyo2030,” Philander ta ti.

Ta ti oshi na oshilonga ngele aantu ayehe taya longele kumwe metambuleko netulumilonga lyuutendo wopaigwana ngaashi koUnited Nations Convention on the Rights of Persons with Disability. 

Ta ti eitulomo ndika otali kwathele mokuteyagula po omainda ngoka haga imbi aantu ye na uulema mokukutha ombinga miinyangadhalwa yopashigwana. -Nampa