Omuthiya – Komitiye zoparliament kazipandwire kweyi vagendesi vaOshikoto, vakansela varuganesa momuwa yimaliwa vatumbwidira korukukutu yokusika ko nomiliyuna N$15.5 melikwamo lyewa.
Mbudi ezi kava zigeve paapa komitiye kazikadingwire mukunda horowero gwina konyima tupu apa kavagwene mbudi ezi zina kufaturura asi ngapi varuganesa yimaliwa oyo.
Yimaliwa oyo kwayi ruganesa mokumborora makere gomema, kuwapukurura gakarapo nare, ntani ruha nye oru rwakara asi Ondangwa-Omuntele romema ronomiliyuna donzi.
Projeka ozo kwaziruganesa koyimaliwa yina siki koN44.5 yonomiliyuna omu vayitulire asi varuganeseko mokumanesa nomulihu domema daOmuntele dakosa N$10 nomiliyuna ngoso, omu vasima makero gokusika ko24 ntani 13 makere hena ntani miliyuna zimwe kwaziruganesa kokuwapukurura makero ogo.
Mukurona pamberewwa Victoria Kapenda, katanterere komitiye asi, N$10 miliyuna oyo yokusika koN$5.1 varugana ntani sivike oso kuvhura yize moyirugana vakamanese kutura nomuliu domema moOmuntele.
Ame kuvhura nimutantere asi yimaliwa nayinye eyi twayiruganesa kuna kumoneka asi noperesenta dokusika ko 99% yaruganayimo ngoso ana kutanta nokugwedako asi malirango kwakere tupu kepangero lyepeguru mokugava yimaliwa eyi. Yiyo yatwaredera dogoro nose tulirange kuyitura moyirugana dogoro ngesi, ngesi ngano twamana.
Nokutanta asi kampani nare twazipasirugana kuna kundindira tupu yiruganeso, yimo ana kugwedako Kapenda.
Munasipundi gokomitiye Kletus Sipapela kahundilire asi kapi ana hara asi vandango zitengwide yimaliwa eyi, morwa 31 Nsinano pepi zina kara vahepa kuyiruganesa yimaliwa oyo.
Ndango simpe kazizeresere asi kapisi asi Nehale lyampingana kwagwana yimaliwa yoyinzi, hawe morwa momukunda gwina kapi gwakara nomema.
Nokugwedako asi mema gomomukunda gwina mugwaagwa; makura yatwaredera asi twahepa kulituramo unene mokuvatera vantu vena vagwane nawo mema.
Meyereko nye lyosimaliwa eli twagwana lyorukukutu, mukurona gokuruha rwina romema konomukunda doponze, Stevenson Tuukondjele katanterere komitiye zoParliamente asi mukunda horowero guna kara guna manamo mokugava mema kowo vanagapumbwa unene.
- osimasiku@nepc.com.na