Avihe vi ri otja kondyero komazemburukiro oyetja 16 ozondekurona zOtjiÞiro Otjindjandja okuuta okuzembuuka imba mba tira morumbo rwa Katjombonÿi rohangauti mOtjozondjii.

Ombura indji wina Okomiti yOvaherero Novambanderu yotjiÞiro Otjindjandja, ousupi oOGF, oyo pu norutavi rwayo rwokomweva ndji hongorera omasembamisiro wotjitjitwa ihi, mai tjiti ozombura o 20. Omazemburukiro inga ya twirisiwa i yozombara azeembari ndino ndi ovayaruke, Kuaima Riruako na Christian Eerike Zeraeua mo 2007. 

Kutja ndino ndi omaÞupa wovaÞi vorumbo rohangauti indwi owo ngari aya nyandavara mokuti onguza kwa Namiba mOtjozondjii, nu ngaaye yatwa ohamunyonene i yozondekurona za imba mbu va Þizire ovaÞi novakuru morumbo indwi, mu yari ondimba yovapunde owo maave hingire omatemba yawo kombanda yovaÞi imba ndino ndi ye pewe ondjozikiro ndji ye yepuire. 

Otja ndja rira ombazu muhuka ozoiri zomuhuka ovimbumba otji mavi kawondja momivanda vya Tjozondjii okuza porutjandja romanyando rwa Vineta okuyenda kozombindi zovaÞi novakuru vorumbo rwohangauti indwi ozondanegere pu maze katjirwa amaze hungire ku novaÞi novakuru vazo. Tjazumba ovimbumba avi tinyauka avi yaruka koVineta komahungi weyuva.

Ngunda ape ri nao oOGF ya yakura ombuze yoNational African-American Reparation Commission, ousupi oNAARC, yokuyandja ohauzeu kongondjero yOvaherero yotjisuta okuza kEhi rOvandoitji. ONAARC otjiveke tji tja zuko otji ya raisire morutuu kozombuze ohauzeu indji. OGF wina pu ya hindire orutuu kuyo okuraisa onyanu yayo noruvara indwi.