ONGWEDIVA- Omupopiliko wopolifi moshitukulwa shaShana Thomas Aiyambo ota kunghulile oomeme aveshe ava opo va mono ounona va file oshisho eehanana davo opo.

Eshi okwe shi popya konima eshi opolifi ya lopotelwa omafyo eehana mbali daxulifila momaumbo moiningwanima yayooloka. Momukunda Onambango moshitukulwa shaHangwena omwa lopotwa ohanana yeemwedi nhano Tangeni Patrick ya xulifila meumbo. Ina yaPatrick okwa popya kutya yee ina mona kutya Patrick okwali a ombokelwa. Okwa haluka ashike eshi umwe womovakwapata e ya oku mu lombelwa kutya Patrick okwa pupyala yee ota fuda taendelele. Komina yokafimbo kashona Patrick okwa xulifa.

Ekalata laPatrick ola shangwa kuta ta okwa dalwa okapelema nokoshipangelo okwexuliko mo 10 March 2023, oko kwali a teelwa a shunwe ko momafiku 04 August 2023. Olutu laPatrick ola twalwa kokila yopolifi nomakonakono opolifi otaa pula komesho.

Opolifi natango oya lopotelwa ohanana yeemwedi nhatu ya xulifila meumbo komukunda Eheke moshitukulwa shaShikoto. Okwa loptwa kutya Hambelela Alina okwa xulifila meumbo laina monduda yokunanagala. Olutu la Hambelela ola twalwa kokila yopolifi, nomakonakono opolifi otaa pula komesho.

Aiyambo ota kunghile ovamwali aveshe unene tuu ava vamona ounaona veli meedula dishona opo vakale tava pula omayambidido kovakulunhu nghee ve na okukala nouna vashona. “Natango otuli mefimbo loutalala, ohandi pula yoovadali va file ounona oshisho vaha fye outalala, shaashi nao otau dulu okukala esheetifi shefyo lombaadilila,” Aiyambo ta weda po.