Omu k u l u n h uw i l i k i mouministeli wehongo S ane t St e e n k amp okwa kumaida ovahongifikola novakulunhufikola opo vaha pitike ovanhu tava di kondje yofikola va popye novanafikola ile va faneke mofikola nokukufa ouvidivo. 

Steenkamp okwa ti omunhu keshe a hala okuya meenghundafana novanafikola kombinga yoipopiwa yonhumba ile a faneke mofikola tete na kale a kwatafana nombelewa yaye ile nombelewa yomukulunhuwiliki wehongo moshitukulwa. 

“ O v a h o n g i f i k o l a novakulunhufikola nave likaleke kokule okukala va yandja epitikilo komunhu ta di kondje a popye novanafikola ile omunhu ta ningile oikonga yaye meefikola,” ta ti. 

Meenghundafana a ninga naKundana Etitatu Steenkamp okwa li ta ny amukul a koshikumungu shomashenge omo vati omukulunhu wehangano l oma shenge Wendel i nus Ndiwakalunga Hamutenya- Jeremiah ta ka yandja ouyelele meefikola nokuxwaxwameka ounona voumati va ninge omashenge. 

Steenkamp okwa ti ombelewa itai ka fiya emanya la londa kulikwao kombinga yoshikumungu eshi tashi ka ningwa kuWendelinus. 

“Ovanafikola itava ka pewa ouyelele kombinga yomashenge. Ovanafikola ove li momake ombelewa yange onghee itandi ka pitika ovanafikola va pukifwe kovanhu tava di kondje,” ta ti. 

Okwa yelifa ta ti ombelewa yaye kai li omhinge novanhu tava di kondje yofikola va hala okuninga oipopiwa novanafikola ashike eshi sha fimana okulandula tete omilandu odo da tulwa po. 

“Konima ngeenge omunhu okwa shivifile ombelewa yetu kutya okwa hala okupopya novanafikola, ohatu konakona tete ngeenge oshipopiwa shaye otashi tungu tuu ovanafikola ile pamwe otashi pukifa ovanafikola,” ta ti. 

Okwa weda po ta ti omunhu keshe ta ka longifa eenghono dokuya meefikola ina pewa epitikilo ota ka katukilwa onghatu. 

Eshi a kwatafana naKundana, Wendelinus okwe likala ta ti kutya 

ina popya kutya ota ka xwaxwameka ovanafikola va ninge omashenge. 

“Ame onda ti ohandi ka yandje ehongo meefikola kounona voumati nghee ve na okuliamena ngeenge tava i moixulo novalumenhu vakwao. Osha fimana opo ounona voumati opo va kale va pewa ehongo eli ngaashi naana ounona voukadona hava pewa ehongo kombinga nghee ve na oku li a mena ngeenge tava i moixulo novalumenhu,” Wendelinus ta ti. 

Okwa ti meefikola omo ashike e na okuya opo a ka yandje ehongo kovanafikola molwashi meefikola omu na ounona voumati vahapu voushengona. 

“Ohandi ka pula epitikilo keembelewa dovakulunhuwiliki vehongo moitukulwa opo ndi ye meefikola ndi ka popya noushengona. 

Onghee oshi li oshinakuwanifa shange ongomukulunhu womashenge ndi yandje ehongo moshiwana,” ta ti. 

fhamalwa@nepc.com.na