Home / Ovanatje vOvambanderu Maveuru kOmbara Yao Ovanatje vOvambanderu Maveuru kOmbara Yao
"I Kae Matundu-Tjiparuro OTJOMUISE OVANANE vOmbanderu mOmongua vauru nohani ndjiri mOmbanderu navenigire Ombara okwiisana ombongarero yotjiwana atjihe okuhungirira kohani indji. O New Era ina otjiherungururwa tjorutuu indui ndua tjangwa tjiyari 20 ku Tjikukutu kOmbara yOvmbanderu, Munjuku II Nguvauva ndjatjangwa iyo vanane imba: B. Katjiuanjo, M. Ndisiro, M. Hambira, P. Kahorere, B. Kavitjene, N. Kangueehi C. Tjiroze (Orata onene na wina owo kehi yOtjihavero tja Karumendu), O. Kavari (etambo rotjiwana), S. Kanguatjivi (etambo rotjiwana) na E.U. Hengari (etambo rotjiwana) Orutuu indui moruveze indui nai o New Era nduu hina kutjiwa kutja kOmbara ruavaza poo indee marutja nai: ""Rutenga otjiwana tja Mongua matji ku yozike nondengero onene, nu wina atji ku korisa ombendukiro yoye kutja upenduka vi, Mbara yetu."" Otjina tji tua tjangere ombapira insji, ohunga nomutjemo ete otjotjiwana tjaa Mongua mbutu nawo ohunga noveta ombe yOvambanderu ndji tua zuva kutja mombongarero ya Mauezonjanda Ombara ya tuako omunwe kembo nu a i yakurwa. Omutjemo wetu uri ongondoroka novinenge ocingi tjiva vyavyo mbiri imbi: 3.1. Oveta ombe indji yahakahanwa okutuwa omunwe kembo kuyo iyOmbara ngunda imba ovananwa ve mo Namibia nopendje yehi ava ruruparwa ousemba wawo wokutara moveta ombe, okwiilesa nokwii kondonona, okukara nomapuriro puve hazuvire nawa tjazumba okwii yakura poo okuhina kwii yakura poo okuningira mo omarundururiro poo omawezireko mOveta. 3.2 Oveta ombe indji moruveze rwokuyeta omaunguriro omahirona mOtjiwana tjOvambanderu, oyo ya eterako ohani ohazerwa nondjaukise tjinene momuhoko wetu wOvambanderu. Ohatoi oyonji ohani ndjiripo mozondero zovandu tjiva mOtjiwana ku nai ndja eta ovimvumba vivari mbina oumune mbwa hanika tjimuna eyuru nehi nu pupe munika ayoo ovimbumba vivari imbi kamaa vi kawana kaparukaze. 3.3 Ete, otjiwana tjOvambanderu mOmongua omayuva tjiyari 12 Ocotber 2005 tua tjanga ombapira kOkomiti indji yovandu mbari o 13-14 ndja perwe otjiungura tjokukatjangurura Oveta Ongundarora yotjiwana pu mape rihatoi nawa ongahukiro kutja ete va Mongua tuari nonyota onene tjinene okuzuvisiwa nokuhongwa oveta indji ombe, otjina ngamba tjitu undja."" ""Ngunda aperi nao otja kehi rokongotue ndu tuaraisa kombanda, Omunane wetu Headman L. Karumendu, eye mourike we otjomundu wa yakura Oveta ombe indji pupa yetisa kutja ihi otjiwana atjihe tja Mongua na naye vepitsane moumune pu pa yeta orutjiva orunene pokati kOmunane na imba mbaso kunana mOmongua. Ku ndinondi katjiundikwa rukwao kutja ete Ovambanderu va Mongua Oveta indji ombe ngunda katuya yakura kaparukaze. Ihi ongahukiro. Nambano ete opu matu risusuparisa kehi yondengero ya tjiri kove otja ngu uri Ihe yovanantje avehe kutja: 6.1. Moruveze rwa tjimanga nai u isane ombongarero pondondo younane auhe wotjiwna tjoye mo Namibia nopendje kokutja u puratene kozondjemeno zovanatje voye avehe nokuhina ondoorora kaani, arikan Mbara yetu!"" ""Mbara yetu! Ete matu zeri kutjaa Muhona the kuyazema oamyuva komurungu ngena ombendukiro ombwa, omutjemo wetu imbwi mouyandja ko ombango onene ndje upwire."""
Your experience on this site will be improved by allowing cookies.
