Jazema Hangero 

“Eṱe nai matu kambura ohorongo mozonya orondu oporise tji hi nokupewa oṋiṋikizire i yotjiwaṋa i pata omake mumwe.” 

O m u t j a n g e r e p o nOmuhandjaure wOzombuze zOmikaikai Anti-Stock Theft Organisation, ousupi Ooato, Ndjipounongo Rapuika, ma tja nao. Katjisupi wa ri pOmurari wOndjivisiro Ombaranga okutjivisa orutu ndwi orwo ndwa zikamisirwe katjisupi. Me riheke kovaṱuta ovakwao kutja ve kare nongorongova ndja zikama otjotjiwaṋa kutja ve rwise otjiṋa hi. Na weza ko kutja orutu ndwi karu pewa otjimariva i kariverive. 

“Orutu ndu pewa otjimariva okuza mu eṱe oveni, otji twa zikamisa kokutja eṱunḓu arihe ri yandje omasere yetatu ngu maye vatere omakawondjisiro wotjiungura.” 

Eye ma tja Oveta yOurunga wOvinamwunyo yo-1990 mu noviṋa ovingi pekepeke mbi mavi yandja omasa korutu rwourunga nondjeverero yotjiwaṋa. Mena rOveta ndji otji ma tja owo va sokukara nomatjaerero womatoorero wovinamuinyo nomanyinganyingisiro wavyo okuza motjirongo nokuza morukondwa nokuhina ousemba otja kOveta ndji. 

“Otji me ku kotjiwaṋa kutja vakwetu ongombe ndji matu hungire ongorongova nomuinyo ku eṱe. Eṱe otjorutu kape nomundu ngu ma sokuza kwarwe okuyekututjeverera oviṋa vyetu oveni. Ngatu penduke tu ye kuyandja ohambwarakaṋa ngamwa pu mape hepa ombatero,” me riheke nao. Okuza komueze outjavari eṱe ovature va Tjongarangombe ngandu pOmuvero wa Kaṱumba twa zikamisa kutja kape notjinamuinyo tji matji nyinganyinga nokuhina omirari mbi twa zikamisa”. 

Omatoorero wovinamuinyo kombunda yondano yomapeta ngandu mohamboumwe yomuhuka omunene itjimwe tjotjiṋa tji matji sokupamisiwa. “Ouzeu mbu ri po okokutja ovandu ozoveta kave ze i. Otjiwaṋa ngatji sekame tji kare ketambo rorutu ndwi. Oveta yombazu na indji yotjombanguriro ze sokuverekasana kokutja ze pasane omasa wokurwisa ouzeu mbwi.” 

Ouṱenḓune nomaunguriro omangundi wopor ise ye yandja omasa komarunga okuzengisa oviraise mbya sokuyekuvekamburisa, tjazumba ozoporise ze wondja ongono mokupatururisa oviposa orondu ze uta okupura ovandu omapuriro ondundu kutja tjii oviṋa mbi mavi hungirwa mbyo ouatjiri. 

“Tu notjiwaṋa tja Mukuru tji tja haama noruke porutama, tji tji hangaurwa i yongaro ohazendu yourunga wovinamuinyo ndja patisa oviunda vyovengi,” Rapuika ma tjeme nao, wina ama ṱondjenda na kumwa. “Oiri ndji we ye kupura kutja otjiposa tjonomora yorive tjike, oporise otji i sekama okuuta okuungura poo okukonḓonona komurungu.”