Easy access at the tip of your fingers, subscribe to our daily ePaper version of our New Era Newspaper.
Home / Pohamba uneuzi lule lwa mashelenyi kwa baituti babashebile
Pohamba uneuzi lule lwa mashelenyi kwa baituti babashebile
2016-04-25Staff Report 2 Windhoek Mueteleli wa naha sapili, Hifikepunye Pohamba, malobanyana uneuzi N$1 million kuzwelela mwa katengo kahae kalituso kuimulula baituti bababata kuzwelapili ni lituto mwa njimo. “Hanikoni kubulela ahulu zabutokwa bwanjimo sina haili sizuma sa sifumu, kono haiba mayemo asizuma salico inze afukuzeha maswe kuzwelela kwamayemo azalifasi zeo lusina maata kuzona, kubatahala kubeya lipulukelo ze luna nizona kaufela kutaeka mayemo maswe ao.” Pohamba naize, lipulukelo zecwalo, likona feela kufumaneha kakuba niliseli mwa tuto ni kufa tuto kubabanyinyani banaha. “Ki kamulelo oswana sina wo, halubata baituti mwa njimo, kuba ni zibo kuza lico ni minuno ya limunanu ni bachilauki babamwi kukona kueza lipatisiso, kufumana tatululo ya kutibela mayemo-maswe a lukupwe ni zemwi cwalo zetalimanwi nizona,”a talusa. Pohamba nasebelisize nako yeswana kulumbeka muuso mwa kubeya likuka zakulatelela ni linaneho zelelezwi kuchimbula mipilelo, pulukelo ya lico mwa naha ni mwamalapa, kakutalusa kuli mileo yeo italimani ni kuchimbula mayemo a mipilelo yasichaba sa Nambia. “Nihakulicwalo, kusatokwahala bayahi ba naha kuswalisana ni kuyakwela muuso mwa kuikataza kubata lituso zebatahala mwa kufa tuto ni zibo kwa likalibe ni mitangana baluna,”kwa talusa Pohamba. Silimo sesifelile, baituti basupile bakonile kufumana lituso kuzwelela kwa katengo ka Hifikepunye Pohamba Foundation, kamo unumwaha baituti babalalu mwanjimo batabe bafumani lituso. “Mwakuikopanya nibaokameli ba Hifikepunye Pohamba Foundation, nibile nimuhupulo wa kuokamela fa njimo ni pulukelo ya lico kukona kufa tuto, kubaakanya bayahi ba Namibia babanata kufumana tatululo kwa mayemo maswe elutalimani niona mwa naha kalibaka lakutokwa pula,” kwa talusa mueteleli sapili. Katengo kahae nekakwaluzwi simubuso mwa silimo sa 2014. 2016-04-25Staff Report 2
