Nuusita Ashipala
Ongwediva – Kansela gomukunda gwaRuacana Andreas Shintama, sinkwa ntani kavamuhorowere akare munasipundi kupinganena mevango lya Modestus Amutse akare asi munasipundi gokansela zaOmusati pandango zamukunda. Sihorokwa esi simpe kasipere nye kansela gwaEtayi Johannes Elia ayakare gumwe nage gomokomitiye zegendeso omu kapinganene mevango eli katundire Shintama. Amutse ogu katuliremo etundomo lyendi mosirugana mwaSitarara mvhura zina puko kagwene evango ngesi mombongarero zanavenye mokukwama tupu mahoroworo gakereko mvhura zina pu.
Matheus Gabriel yige nye gawiza mevango lyaAmutse. Shintama ogu gakara asi kwapuramokuruganena kumwe katente asi mbunga zendi simpe tazitwikire mokugava sirugana kovantu, vagave mema, nonzira, rutjeno ntani kunkondopeka nye elikwamo lyokukanguki momukunda. Shintama katente asi awo simpe navalituramo unene mokutamununa kugava mema gomazera kovantu ndi asi vatungimo. Nampili ngomu yina kara asi mavango gomanzi gana gwana mema nye egavero kapi lina kuyisikisamo nawa nawa. Awo kuna kugazaraunga evango lyokuzangwira mema ntani makero gomanzi monomukunda ngwendi Ruacana,Otamanzi ntani Tsandi; yimo ana kutanta Shintama.
Mokukwama nye nonzira, kuna kara zaEpalela -Onesi -Tsandi kuna kara pelikwamo vaditure teya kupitira nye moTsandi Omugulugwombashe. Munasipundi gomupe katente asi nampili asi minsiteli zoukanguki kwarugana nawa, mokureta sirugana pepi novantu, Shintama simpe katente asi simpe yinzi yina karako yokuvhura kuwapukurura unene yiruganeso poyipangero gona.
Age yipo simpe kageve asi mbunga zendi nazirugana kumwe noministeli zoukanguki omu navakatara asi ngapi navasesupikako sinanoi esi ava gendi vantu nsene tavazi kosipangero. Simpe katente asi awo navagavera rutjeno komavango ogo gana kara asi kwato simpe rutjeno. Mukunda simpe ku agugumu udigu wepiro yirugana unene vadinkantu, Shintama katente asi ndango zendi kumwe novadinkantu navaruganako Yuma mokupopera vantu ava omu navatulisapo yirugana momukunda horowero gwendi.