• September 24th, 2020

Sintolo sizwelapili kusiisa ba 229 misebezi


WINDOKO – Sintolo sa Namibia sa Pick n Pay nesi zibahalize viki yefelile kuli babeleki ba 229 basiizwe misebezi, kamabaka akuli tekiso haizamai hande. Sintolo nesikile sa yala mulelo wa sona mwakeli ya Mbuwana, kasamulaho akuikambota ni katengo kaka yemela babeleki ka Nafau. Mwaliñusa lene li hatisizwe viki yefelile muzamaisi yomuhulu wa Pick n pay mwa Namibia Graeme Mouton, nalemusize babeleki kuli kutokwa tumelelano mwahala sintolo ni katengo kaka yemela babeleki nekusika tatululwa, kacwalo kampani nefelisize mañolo ababeleki amisebezi viki yefelile. 

Naize taba yeo ika ezwa kaku latelela mulao obona zamisebezi, sihulu hakutaha fakulifa mazazi apumulo, ni masheleñi alifiwa mutu hasiya musebezi. Sintolo mwakweli ya Mbuwana nesibulezi kuli sibata kufukuza palo ya babeleki ka 25%, ili yebato eza misebezi ye 500 yena ni kupumwa “mwakubata kufelisa kulatehelwa masheleñi nibata kuhulisa kampani.” Sintolo sa Pick n Pay siluilwe ki kampani ya naha Namibia, mi ki mutayi wa sikwata sa likampani sa Ohlthaver & List (O&L), mi ina ni babeleki babalikana 1 931, mwalintolo ze 22 mwanaha kaufela. “Luikutwa kuswaba kuli mayemo alipisinisi acwale atisize kuli kutalimwe sinca. 

Kapilu yetomohile lubata kuitumela kumina kamusebezi omubelekezi Pick n Pay mwa Namibia, halu laezana ni kumilakaleza hande,” nekubulezi Mouton kwa babeleki. Muñoli yomuhulu wa Nafau Jacob Penda, viki yefelile nakupile sintolo kuli sifelise liñolo lene lihatisizwe ni kuli sikutiseze babeleki famusebezi. “Lukupa Pick n Pay kuli ikuteke tumelelano yene bile teñi, nikulemusa babeleki mwanzila yelukela. Ikuteke maata kuamana ni khuta yebona za misebezi, hala mulao wa musebezi wabu 11 wa silimo sa 2007,” nekubulezi penda. Kono sintolo sa Pick n Pay nesi alabile kuli babeleki kaufela nebasiisizwe musebezi kaku latelela mulao wabu 34 sina haufilwe mwabuka yezamaisa za misebezi.


Kuzeeko Tjitemisa
2020-08-17 10:49:10 | 1 months ago

Be the first to post a comment...

You might also like...