Omgahukiro kutja ohoromende ya Namibia kaino’ zo ngari, ombango mo porotika no ngamburiro oku twara epu rehi komurungu ko ma zengururiro waro omakarerere harukuru. 

Wo tjiÞo tjo mahakaenisiro no ma hungirirepo wOrutu rwa Namibia rwEhi rOtjizeero, Sandie Tjaronda, matja. Otjimbumba ihi Oritjatano ndazuko rwa hongororere orukosi rwa va pyuke mo tjiwana peke peke mbenongeno ndi hiya kotoka na wina Otjitiro Otjindjandja, oyo ayeevari ngeri omapu ngwa kutwa kumwe ngehina maa ye hanewa tjinga imba mbata mo Tjitiro Otjindjandja avata kutja omuhoko uye kewe ehi otja tji wa hepa ehi nai. 

Orukosi indwi rwa ka yandjere orutuu ro mu tjemo ko Ministera yOngaro Pokati Komahi nOmaunguririo Kumwe, kOmbongarero yOtjiwana nawina ko Ministera yOtutumbo nOvikunwa, Omeva nOndungururiro yEhi. Posia nandarire kutja Oministera yOtuutmbo nOvikunwa yaraisire kutja maihindi omundu ngu ma yakura orutuu indwi, ka naa ya tji tire nao. Orutuu indwi rwa yaa kurirwe iyo Tjiuru Otjikaendise tjOkehi mo Ministeri yOngaro Pokati Komahi, Rebecca Shamake Iyambo. Ngweu ya kurire po muvero wo rumbo ro zo mberoo zOmbonagrero yOtjiwana, Omberoo yOministera Ondenga na wina ozomberoo peke peke tjimuna yOngaro Pokati Komahi. Tjinga omahitiro mo rumbo indwi oruveze ro ma raisiro wo nyengo no ma yandjero worutuu arwari kehi yo ndjevero yomasa yo porise no rupa ro ndjeverero. 

Tjaresere orutuu ngunda ae heruyandja, Tjaronda wa raisire kutja kombunda yo Mbongarero Oitjavari yEhi Yehiarihe mo 2018, mu mwa pita ozongutiro ohunga no ruhindo rwehi ro tjizeero rwo Peresidenda, opa kahu kutja ombonagrero indji yari omugandjo kaparukaze nu yari otjiwova tji tji porotika uriri tjo ku mumunina po omaraka mo ma toororero yo 2019. “Ohoromende ya Namibia yairirira oku runduruka mepu indi nu kairaisa ongamburiro mo kutja Ovaherero nOvakwena tjo tjiri va pandjara ehi rawo ro tjizeero movita ko vahandure ovavapa mbehari vo ko tjiveta, tjinene imba Ovandoitji,” Tjaronda matja.