New Era Newspaper

New Era Epaper
Icon Collap
...
Home / Tjiva va una, nu tjiva ngunda ma veundju ombatero yo u rumbu

Tjiva va una, nu tjiva ngunda ma veundju ombatero yo u rumbu

2019-09-20  Kae Matundu-Tjiparuro

Tjiva va una, nu tjiva ngunda ma veundju ombatero yo u rumbu

Otjomuise- Tjiva ya yoro kisa nu tjiva ngunda va hwiririke omeho kuyo.
Otjeri o patero yo horomende yo u rumbu nao kutja oyondjo yo vi namwinyo poo oyondjo yo vikurya kovandu. 

Okuza nganda aya tjivisiwa mu Kambundu Otjiuru Tjehi, Hage Geingoba, tja tjivisa oruveze ro ngaro youzeu mena ro urumbu, ombatero indji, na ndarire kutja omahi no va harupu peke peke va u ta o ku zizisira ozo mbatero mo miano peke peke kutja otjimariva poo ovikurya mo mbwiko indji, oyo imunika kutja kovandu ivaza no ngono. Korukondua rumwe ku imunika ayo ombatero yo u rumbu indji ivaza ondizira uriri, Epukiro. Otjiveke tji tja zuko Orata yOkarukondua kOmatoorore ka Pukiro, Vejama Kanguatjivi, oruveze orure otja zuvakere ama ravaere onbatero indji. 

Tjiva kuya vazere nowo mbena ohange ovature va Komumbonde mu muna ovatukare hambombari owo otjikando ihi auhe ngwa havarere oupakete uvari wo mongwa wo zonyanda. Muwo muna Kahijeta, eye ngwa raisa ohange kutja otjikando ihi eye otjo mu kazendu omutukare kaumbirwe mumwe  no vandu avehe motjirongo nu ngwari ombatero ye yemuvaza peri poye.  Posia kaavehe tjimuna Kahijeta mbenohange. Nico Hoveka no vakwao v aka tonene omake pehi tji vaire ko Mauezonjanda o ku kazu kutja nandarire kutja kuza monyungu yerambu mukarasewa ow ova ka zuvire kutja ombatero Kanguatjivi ndja ravaerere pesawa uriri.

Kutja okwiiri maa ivaza kuwo nu rune ka pena ongahukiro. Tjivasewa natjo uriri o kuundja nu tjinene nene tjinga ekweze rombura arautu okuundjwa, okuundja kutja ngahino ombura indji marire yarwe mairoko. 
Otja koma zuvira oma havirisiro ka ye kayendere nawa tjinga ngunda ayasere kutja oukutu uvari monganda, ovandu vonganda imwe ndoovazu auhe uno muriro we okutja auhe wahavarere nganda apepu. “Matu tjitivi pendje yok u undja,”Hoveka matja. Tjingetjo matja ngamba veundja ko ma ningiriro wawo ngu va hitisa mu Suramazeva o ku ko torerwa oka mariva ko vi rasewa mbi varanda na wina ko vi namwinyo mbi varandisa. Veraerwa kutja o ma ningiriro inga nai yeri komberoo ya Tjomuise. 
 


2019-09-20  Kae Matundu-Tjiparuro

Tags: Khomas
Share on social media