Ohamba yOvakwanyama Martha Kristian Mwadinomho Nelumbu okwa pula omalenga aye a tunge eembelewa dokuyakulil oshiwana moikandjo yavo.

Edi Nelumbu okwe di popya mexuliloshivike pefimbo a talela po oshikandjo shaNandova moshitukulwa shaHangwena.

Okwa ti elalakano leembelewa okuyandja omayakulo moshiwana shiha ende vali eendjia diledile da uka kombelewa yoshilongo.

“Eembelewa doikandjo nadi longifwe okuyandja omayakulo koshiwana,” ta ti.

Ohamba oya ti eembelewa otadi kwafele yoo vali ovakwashiwana vaha lokwe kodula ngeenge tava ningi omitumba.

Efiku olo ombelewa yoshikandjo Onandova oya ongela oshimaliwa shoN$78 000.

Oshiwana otashi ka longifwa okutunga oluumbo lombelewa pOnandova nokulongulula ombelewa.

Nelumbu okwa pandula oshiwana eshi sha longela kumwe okueta po oshimaliwa shokutunga oluumbo.

“Twikileni nokukala mu na oukumwe nelongelokumwe moshitunda shetu,” Ohamba tai ti.

Moshipopiwa shaye omunashipundi welelo laUkwanyama, Elisa Waandja okwa kumaida oshiwana shi longele kumwe mokukondjifa omahepeko omomaumbo nokuxulifa po okuhumbata oilwifo keendingosho.

Waandja okwa ti eembelewa koikandjo nadi longifwe okuyandja omayakulo e fike pamwe pehe na ou ta ningwa okatongo.

fhamalwa@nepc.com.na