ONGWEDIVA - Omupedupilimaminista Netumbo Nandi-Ndaitwah okwa ti epangelo ole lipaka mo mokuyandja omayambidido oludi keshe ngee tashi ya kehongo lopaungopa tali ifanwa TVET.

Eshi okwe shi popya momushangwa waye oo wa leshwa komupeduminista wehongo Natalia /Goagoses pefimbo leyuululo pambelewa loshitufi shoNational Competition Skills mOngwediva.

Nandi-Ndaitwah okwa ti okutula oshimaliwa moTVET okuwete kutya oimaliwa itai hepa, ndele otai tungu sha shi na sha neyambulepo loshilongo. Vati oiputudilo ei itai deula ashike ovanhu va kale vehe na oilonga, ashike otai deula ovanhu tava ka yandja oilonga kuvakwao.

 Okwa twikila yoo kutya oiputudilo ei otai eta exumokomesho lakula moshilongo, nepangelo oli na ohokwe yakula okuyambidida apeshe apa tali dulu.

Minista okwa ti okwa didilikwa yoo ku na omwaalu wovalumenhu vahapu ovo ve li moiputudilo yee-TVET okuyelekaninfa novakainhu. Ovakainhu vahapu vati ove li monghalo yonale yokutya oilonga yoke-TVET vati oyo valumenhu ashike. 

“Oilonga yoludi eli kai na kutya oya shangelwa lyelye kondadalunde nonghee onda teelela ovanhu aveshe va kufe ombinga opo tu dule okuvatelafana ngeenge tashiya meyambulepo lexumo komesho loshilongo,” Nandi-Ndaitwah ta tumbula.

Omukulunhu weepolyeka mo-NTA Sense Shoolongo okwatumbula kutya oha shikala shi uditife nai oku tala eliko loshilongo ta li tutwamo li kaxumife oilongo ikwao shaashi katuna ovanhu tavadulu oku li longifasha. 

“Ohatu kendabala lela opo tudule okudeulila ovahongwa vetu oinima yomaludi ayooloka opo tuxulifepo okukanifa kwoludi eli,” Shoolongo ta tumbula.